អ្នកខ្លះចង់សម្រាកគីឡូតែមិនអាចស្រកព្រោះខ្វះក្បួន និងខ្វះចិត្តអត់ធ្មត់ផងដែរ។ បើអ្នកចង់បានសម្រកគីឡូបានផលពិតៗ អ្នកគួរធ្វើតាមគ្រូហាត់ប្រាណប្រចាំតារាថៃពីអ្នកនាង Anna Mana ដែលមានការស្រឡាញ់ខ្លាំងពីបណ្ដាអ្នកគាំទ្ររាប់សែននាក់នៅលើបណ្ដាញ Instagram នៅវីដេអូបានឱ្យដឹងថា នាង Mana មិនញ៉ាំអាហារកែច្នៃដែលមានផ្ទុកកាឡូរីខ្ពស់ មានផ្ទុកជាតិស្ករ ឬខ្លាញ់អាក្រក់នោះទេ។ នាងញ៉ាំតែអាហារមានកាឡូរីទាបជាប្រចាំថ្ងៃមានចំនួនចន្លោះពី ១,៦០០ ទៅ១,៨០០កាឡូរី ការហូបកំណត់កាឡូរីនេះទីមួយឱ្យរាងកាយមានថាមពល និងទីពីរពេលហាត់ប្រាណវាជួយបំបែកជាតិខ្លាញ់អស់ពីរាងកាយ។
សម្រាប់អាហារដែលនាងតែងតែញុំាមានស៊ុត ទឹកដោះមានជាតិស្ករនិងខ្លាញ់ទាប បាយកន្លះកូនចាន បន្លែផ្លែឈើ និង ផឹកទឹកមួយថ្ងៃ៣លីត្រជាង។ យោងតាមសិក្សាផ្នែកអាហារ ចំពោះអាហារទាំងអស់នេះគឺ សម្បូរប្រូតេអ៊ីន វីតាមីនជាច្រើន ដែលល្អបំផុតសម្រាប់សុខភាពអ្នក ជាពិសេសវាជួយឱ្យអ្នកមានកម្លាំងថាមពលគ្រប់គ្រាន់ក្នុងការហាត់ប្រាណ ឬប្រើប្រាស់។ បន្ថែមពីនេះ គេឃើញនាងញ៉ាំ ស្រូវសាឡីជាមួយទឹកដោះគោ មានដាក់ផ្លែគីវី ផ្លែផាសិន ប្លូបឺរី ស្ត្របឺរី ផ្លែចេក និងគ្រាប់ធញ្ញជាតិផ្សេងៗទៀត។
ជាមួយគ្នានេះ នាងបានរៀបចំផែនការហាត់ប្រាណ បើយោងតាមអ្វីដែលនាងតែងតែបង្ហោះក្នុង Instagram គឺនាងបានរៀបកាលវិភាគក្នុងការហាត់ Cardio នៅពេលព្រឹកចន្លោះពី ៤០ ទៅ១ម៉ោងកន្លះ ដើម្បីឱ្យសាច់ចង្កេះរបស់នាងហាប់ណែន និងមានចង្កេះតូចច្រឡឹង។ បន្ថែមពីនេះ នាងពិតជាយកចិត្តទុកដាក់ក្នុងកាថែរក្សាសម្រស់របស់នាងខ្លាំងណាស់។ នេះជាព័ត៌មានដកស្រង់ចេញពីការបង្ហោះរបស់ Ann man នៅក្នុងគេហៈទំព័រ Instagram ដែលតែងតែចែករំលែកទៅកាន់អ្នកគាំទ្ររបស់ខ្លួន។
តាមលោកគ្រូ សំណាង បានលើកឡើងថា បើអ្នកលំហាត់ប្រាណឱ្យមានលទ្ធផល អ្នកត្រូវមានគោលដៅសិនថា ហាត់ប្រាណដើម្បីអ្វី? ដូចជាហាត់ប្រាណពេលព្រឹបែប Cardio ជួយសម្រកគីឡូបានលឿន និងដំណើរសរសៃឈាមមានដំណើរការបានល្អ។ ហើយអ្នកត្រូវតមអាហារពួកជាតិស្ករ ជាតិខ្លាញ់ និងជាតិប្រៃចេញម្តងបន្តិចៗ ទើបអ្នកសម្រកគីឡូបានសម្រេច តែអ្នកត្រូវចាំថា ត្រូវការពេលវេលានិងចិត្តអត់ធ្មតដែរ។ ពេលអ្នកយល់ពីដំណើរការសម្រកគីឡូបែបនេះ អ្នកគ្មានអារម្មណ៍ស្មុគស្មាញនិងតានតឹងអារម្មណ៍ខ្លាំងនោះទេ៕ អត្ថបទដោយ៖ ទ្រ សុភាព
លោកអ្នកអាចទិញសៀវភៅ លំហូរចិត្ត តាមហាងឆេង២៤>> https://t.me/hangchhengH24
