មនុស្សយើងសព្វថ្ងៃនេះមានអាហារមួយចំនួនបង្កផលប៉ះពាល់ដល់សុខភាព និងសម្រស់ ព្រោះតែខ្វះទម្លាប់ហាត់ប្រាណ ញ៉ាំអាហារខ្លាញ់ មានជាតិស្ករច្រើន និងគេងមិនគ្រប់។ ទម្លាប់ទាំងនេះជាហេតុនាំឱ្យបាត់អរម៉ូនមេឡានីនជាសារធាតុប្រឆាំងអុកស៊ីតកម្មដ៏មានឥទ្ធិពលមួយ ឱ្យយើងរស់នៅបានយូរ និងរក្សាសម្រស់។ មានទម្លាប់អ្វីខ្លះជួយបង្កើតមេឡានីន? ចម្លើយមានការញ៉ាំ ការគេង សកម្មភាព ដើម្បីផលិតមេឡានីន ជួយមានដូចជា៖
១. ជួយពង្រឹងប្រព័ន្ធភាពស៊ាំ ប្រឆាំងជំងឺតូចតាច ២. ជួយការពារប្រឆាំងនឹងជំងឺមហារីក ៣. ជួយផលិតអាំងស៊ុយលីនតាមធម្មជាតិ ការពារទឹកនោមផ្អែម ៤.ជួយការពារជំងឺពុកឆ្អឹង និងប្រឆាំងជំងឺគាំងបេះដូង។
នេះជាហេតុផលមេឡានីន ជាដៃគូដ៏អស្ចារ្យក្នុងការថែរក្សាភាពក្មេងជាងវ័យ។ តាមសៀវភៅ Ikigai និពន្ធដោយ៖ Francesc Miralles និង Hector Garcia សរសេរថា ការផលិតមេឡានីននឹងថយចុះ ពេលអ្នកអាយុ ៣០ឆ្នាំឡើង។ យើងអាចការពារកម្រិតអរម៉ូននេះបានល្អ និងរក្សាវ័យបានតាមវិធីមានដូចជា៖
១. បរិភោគរបបអាហារមានតុល្យភាព និងបរិភោគសារធាតុកាល់ស្យូមបន្ថែម មាននៅក្នុងបន្ថែម ត្រី ទឹកដោះគោ និងតែបៃតង...។
២. អ្នកត្រូវឱ្យរាងកាយស្រូបយកពន្លឺព្រះអាទិត្យបានគ្រប់គ្រាន់ជារៀងរាល់ថ្ងៃ ដើម្បីស្បែកបង្កើតមេឡានីន។
៣. អ្នកត្រូវគេងឱ្យបានគ្រប់គ្រាន់។ ពីព្រោះតារាបង្ហាញម៉ូតតែងតែ អាចរក្សាវ័យឱ្យក្មេង គឺគេង ៩ទៅ១០ម៉ោង។
៤. អ្នកត្រូវតែជៀសវាងអារម្មណ៍ស្ត្រេស ការធ្លាក់ទឹកចិត្ត, ការផឹកស្រា ជក់បារី និងកាហ្វេអ៊ីន ដែលទាំងអស់នេះធ្វើឱ្យអ្នកពិបាកគេងបានលក់ស្រួល និងកាត់បន្ថយមេឡានីនពីរាងកាយរបស់យើង នាំឱ្យឆាប់ចាស់លឿន៕ អត្ថបទដោយ៖ ទ្រ សុភាព