សម្រាប់អ្នកកលិកា វិញពីអតីតកាលគាត់ក៏ប្រទះនៅបញ្ហាសុខភាព គឺឡើងគីឡួរហូត ៧៣គីឡូក្រាមបង្កក្លាយជាបញ្ហាខ្លាញ់រុំបេះដូង ខ្វះជាតិស្ករ និងខ្វះជាតិកាលស្យូម ធ្វើឱ្យគាត់ចេះតែវិលមុខ ឈឺក្បាល និងគេងអត់លក់សោះ កត្តាបែបពីមួយថ្ងៃទៅថ្ងៃ នាំឱ្យគាត់កើតបញ្ហាស្រ្តេសខ្លាំងកើនឡើង សូម្បីតែគីឡូក៏កើនឡើងដែរ។ ព្រោះអ្វី? ស្រ្តេសច្រើន វាធ្វើឱ្យយើងមានអារម្មណ៍ឃ្លាន គឺឃ្លានចំណីអាហារបែបផ្អែមៗ និងខ្លាញ់ច្រើន។​

ដោយសារគាត់មានបញ្ហាបែបនេះ អ្នកគ្រូ កលិកា បានលើកឡើងថា “បើខ្ញុំមិនកែប្រែសុខភាពខ្លួនឯងទេ រាងកាយខ្ញុំកាន់តែចុះខ្សោយ ហើយជំងឺក៏សម្រុកចូលមកដែរ។ ខ្ញុំខំអត់ធ្មត់ ខំពង្រឹងភាពក្លាហានមកធ្វើលំហាត់ប្រាណឱ្យបាន២០% និងព្យាយាមគ្រប់គ្រងលើរបបអាហារឱ្យបាន ៨០% ត្រឹមតែរយៈពេល ៤ខែប៉ុណ្ណោះ ខ្ញុំទទួលបានលទ្ធផលស្រកគីឡូរហូត ១៤គីឡូ វាជារឿងមួយធ្វើឱ្យខ្ញុំសប្បាយចិត្ត ហើយក៏គ្មានអារម្មណ៍ស្រ្តេស សូម្បីខ្លាញ់ក៏រលាយតាមហ្នឹងដែរ”។​

 តាមអ្នកគ្រូ កលិកា បានលើកឡើងបន្ថែមថា “អ្នកចង់សម្រកគីឡូ ចង់បានលទ្ធផលលឿននោះ គួរតែព្យាយាមមតអាហារដើម្បីធ្វើការផ្លាស់ប្តូររាងកាយឱ្យក្លាយជាទម្លាប់។ បើអ្នកតមអាហារខុសក្បួន មានបញ្ហាដល់ក្រពះទៅវិញទេ។ ក្រពះរបស់យើងឆ្លាតណាស់ ដល់ម៉ោងដល់វេលារបស់វាគឺបញ្ចេញជាតិអាស៊ីតហើយ អីចឹងហើយ អ្នកសម្រកគីឡូបានគេឱ្យព្យាយាមហូបអាហារឱ្យទៀតពេលវេលា ដើម្បីស្រកគីឡូនិងសុខភាពក្រពះល្អ។ ពេលអ្នកហូបអាហារមានទៀងទាត់ តែកុំហូបច្រើនម្តង គ្រាន់តែមួយថ្ងៃ ២ ទៅ៣ពេលបានហើយ។ អ្នកអាចថែមអាហារសម្រន់ដូចជាផ្លែឈើដូចជាផ្លែប័រ និងផ្លែប៉ោមជាដើម។ ការហូបរបៀបនេះគឺមានប្រសិទ្ធភាពក្នុងការកម្ចាត់ជាតិខ្លាញ់ក្នុងក្បាលពោះម្តងបន្តិចៗ មិនខាន។ 

អ្នកគ្រូបន្តថា មានអ្នកមួយចំនួនចង់សម្រកគីឡូ ប៉ុន្តែគាត់តមអាហារម្តងហូបអាហារបីពេល និងជូនកាលហូបអាហារពីរពេលមិនច្បាស់លាស់ មិនទៀតពេលវេលា បែបនេះវាធ្វើឱ្យក្រពះបញ្ចេញជាតិអាស៊ីអត់ទៀតពេលវេលាទេ ដល់យូរៗ វាធ្វើទុក្ខដល់ក្រពះនាំឱ្យមានការរលាក់ក្រពះ និងរាងកាយក៏ប្រែប្រួលដែរ”។ ខ្ញុំបញ្ចាក់នៅត្រង់នេះថា អាហារធំៗ អ្នកគួរហូបបីពេល ហូបរហូតក្លាយជាទម្លាប់។ កុំហូបអាហារថ្ងៃនេះមួយពេល ស្អែកឡើងហូបបីពេល ខាងស្អែកហូបពីរពេល និងហូបអត់ទៀងម៉ោង ម្តងហូបម៉ោង១១ ម្តងហូបម៉ោង២រសៀល ការហូបអត់ទៀតពេលបែបនេះ វាប៉ះពាល់ដល់ក្រពះ វាប៉ះពាល់ដល់ផែនការសម្រកគីឡូរបស់អ្នក។ មានអ្នកខ្លះ ស្រករាងមែន ប៉ុន្តែបែបទៅជាឈឺក្រពះ ហើយក៏កើនជំងឺផ្សេងៗ ទៀត។

អ្នកគ្រូ កលិកា បានលើកឡើងថា “អ្នកតមអាហារដែលខ្វះលំហាត់ប្រាណ ទោះបីសម្រកគីឡូពិតមែន ប៉ុន្តែបើពេលពួកគេជ្រុលហូបអាហារមានជាតិខ្លាញ់ ជាតិផ្អែម និងប្រៃ លើសតែបីថ្ងៃ ឬមួយអាទិត្យ គេចាប់ផ្តើមមានអារម្មណ៍ឡើងគីឡូស្រើតៗ ព្រោះតែរាងកាយខ្វះជាតិចិញ្ចឹមបានស្រូបសារធាតុជាតិទាំងនេះលើសដើម ហើយគេគិតថា ខ្លួនខំសម្រកច្រើនខែ បណ្តោយខ្លួនបន្តិចសោះ ចាប់ផ្តើមឡើងគីឡូលឿនលើសដើម នេះជាកត្តាខ្វះលំហាត់ប្រាណបន្ថែម។ អីចឹងហើយបានជាគេឱ្យធ្វើខំធ្វើលំហាត់ប្រាណ២០% ដើម្បីពង្រឹងររាងកាយកម្ចាត់ជាតិខ្លាញ់ បង្កើនសាច់ដុំដល់រាងកាយបន្ថែម”។

ផ្អែកតាមលោកវេជ្ជបណ្ឌិត Eric Berg មានប្រសាសន៍ថា “ពេលយើងហាត់ប្រាណក្នុងកម្រិតស្រាល ឬមិនរហែកសាច់ដុំឱ្យបានគ្រប់គ្រានទេ អ្នកមិនអាចសម្រកជាតិខ្លាញ់ក្បាលពោះបានទេ។” ការធ្វើលំហាត់ប្រាណដើរ នឹងរត់តិច ជាលំហាត់ប្រាណឱ្យអ្នកមានសុខភាពល្អ តែវាដុតជាតិខ្លាញ់បានកម្រិតទាប។ ការសម្រកក្បាលពោះនេះ យើងគួរហាត់កម្រិតធ្ងន់ ឬហាត់Gym ដើម្បីដុតជាតិខ្លាញ់ បង្កើនសាច់ដុំ។ យើងឃើញថា អ្នកតមអាហារដែរ តែគេហូបអាហារផ្អែម និងខ្លាញ់ខ្លះ តែគេមិនសូវឡើងគីឡូខ្លាំងដូចខ្លួនសោះ។ មកពីតមអាហារមែន តែគេធ្វើលំហាត់ប្រាណបន្ថែម។ ការហាត់ប្រាណនេះ វាជួយស្រូបជាតិខ្លាញ់ និងបំបែកជាតិស្ករ បម្លែងធ្វើជាសាច់ដុំ និងបង្កើនកម្លាំងរាងកាយ។

ចំពោះអ្នកតមអាហារខ្វះលំហាត់ប្រាណ ២០% ស្រកគីឡូមែន គឺស្រកទាំងសាច់ និងស្រកទាំងខ្លាញ់។ ពេលអ្នកហូបអាហារមានខ្លាញ់ និងជាតិផ្អែម រាងកាយរបស់អ្នកអត់បានបង្កើនសាច់ដុំទេ កើនតែជាតិខ្លាញ់តែប៉ុណ្ណោះ។ នេះជាអ្វីដែលអ្នកគ្រូ កលិកា លើកឡើងពីការសម្រកគីឡូពិតជាត្រឹមត្រូវក្នុងស្ថានភាពជាក់ស្តែង។ ការតមអាហារកុំឱ្យប៉ះពាល់រាងកាយខ្វះសារធាតុចិញ្ចឹមនោះ អ្នកគួរហូបអាហារមានដូចជាសាច់គោ បន្ថែមានស្ពៃ មានការរ៉ុត និងសាឡាត... ផ្លែឈើមានដូចជាប៉ោមខៀវ ផ្លែប័រ និងល្ហុង... និងត្រី....។ តាមវេជ្ជបណ្ឌិត Michael Mosley ជាអ្នកជំនាញខាងចំណីអាហារបញ្ជាក់ថា បើអ្នកសម្រកខ្លាញ់ក្បាលពោះនោះ ចូរកាត់បន្ថែមអាហារសម្បូរជាតិខ្លាញ់ អាហារមានជាតិស្ករចេញ ជំនួសដោយបន្លែ ផ្លែឈើ និងត្រី និងដាក់បន្ថែមលើខ្លួនឯងគឺវិន័យក្នុងការហាត់ប្រាណ អ្នកនឹងទទួលបានរាងកាយស្អាតមិនខានឡើយ៕ អត្ថបទដោយ៖ ទ្រ សុភាពអ្នកគ្រូ កលិកា​ ជាគ្រូបង្វឹកនៅក្លឹប Elite Fitness បើអ្នកចង់សម្រកគីឡូអាចទាក់ទងតាមលេខTel៖ 099 502 888