ហេតុអ្វីខួរក្បាលមនុស្សចាស់ហើយនៅពូកែចាំជាងក្មេង? យោងតាមទស្សនាវដ្តី Inc បានឱ្យដឹងថាការថែរក្សាខួរក្បាលរបស់អ្នកឱ្យនៅក្មេងជាងអាយុ គឺងាយស្រួលជាងអ្វីដែលអ្នកគិតទៅទៀត។ ក្នុងនោះតាមការស្រាវជ្រាវរបស់ក្រុមវេជ្ជបណ្ឌិតរបស់ប្រទេសកាណាដាដែលបានជ្រើសរើសមនុស្សចាស់ មានសុខភាពល្អជាង ២០០នាក់មកធ្វើតេស្តដោយបានកំណត់ឱ្យពួកគេធ្វើនូវកិច្ចការសាមញ្ញា១ រយៈពេល១ម៉ោង ក្នុង១ថ្ងៃ ដើម្បីប៉ូវកោសិកាខួរកក្បាលបានល្អ។
តាមអ្នកស្រាវជ្រាវបានសាកល្បងឱ្យក្រុមមនុស្សចាស់ទាំងនោះធ្វើលំហាត់សាមញ្ញដូចជា ការរត់ ការដើរ និងជិះកង់មួយម៉ោងយ៉ាងតិចក្នុងមួយសប្តាហ៍ ឬ១ម៉ោងក្នុងមួយថ្ងៃ ព្រោះការធ្វើដូចនេះពិតជាអាចធ្វើឱ្យពួកគេគិតបានលឿន និងច្បាស់លាស់ដូចកាលពី ៥ឆ្នាំមុន។
សូម្បីនាយកប្រតិបត្តិក្រុមហ៊ុន Apple មានវ័យ៦២ឆ្នាំក៏មានទម្លាប់រត់ៗនិងដើរនៅជុំវិញសួនច្បារ Apple ក្នុងក្រុមហ៊ុនផងដែរ បន្ទាប់ពីការងារមួយថ្ងៃពេញរបស់លោកបានបញ្ចប់។ ការធ្វើបែបនេះមិនត្រឹមតែធ្វើឱ្យលោកមិនស្រ្តេសនោះទេ តែវាបានជួយដល់ការគិតឱ្យខួរក្បាលអាចផលិតគំនិតល្អៗ ជាពិសេសប្រឆាំងនឹងភាពចាស់ កុំឱ្យខួរក្បាលចាស់ឆាប់ភ្លេច។
ដូច្នេះហើយការអនុវត្តទម្លាប់នេះ១ថ្ងៃ១ម៉ោង សម្រាប់អ្នកដែលត្រូវការឱ្យ ខួរក្បាលរបស់ពួកគេមានអាយុក្មេងជាងវ័យ ពិតជាមានប្រយោជន៍ដល់សុខភាពនៃការចងចាំ ក៏ដូចជាសុមាលភាពផ្លូវចិត្តដោយជួយឱ្យពួកគេយកឈ្នះលើជំងឺស្រ្តេសបានផងដែរ៕