លោកគ្រូ សែត លីម បានប្រាប់ថា អ្នកមានបញ្ហាបេះដូងអាចបណ្តាលមកពីអាហារដែលប្រជាជនខ្មែរយើងចូលចិត្តហូបរសជាតិប្រៃផ្អែម និងខ្លាញ់ជាម្ហូបឆាឬចៀនច្រើនពេក វាធ្វើឱ្យកើនខ្លាញ់តាមសរសៃឈាមបេះដូងអស់ជាច្រើនឆ្នាំមកហើយ។ បើបងប្អូនខ្មែរយើងគ្រាន់តែចំណាយពេលខ្លះ ធ្វើលំហាត់ប្រាណ ជំងឺបេះដូងកម្រកើតណាស់។ ព្រោះការហាត់ប្រាណហ្នឹង ជួយកាត់ជាតិខ្លាញ់ចេញពីរាងកាយ ឱ្យចរន្តឈាមដើរស្រួលទៅកាន់ខួរក្បាលផងដែរ”។ ពីព្រោះថាការធ្វើលំហាត់ប្រាណរាងកាយធ្វើឱ្យមានការផ្លាស់ប្តូរខ្លាញ់នៅក្នុងសរសៃឈាម សាច់ដុំ មេតាប៉ូលីស និងខួរក្បាល។ ហើយរួមទាំងជួយឱ្យសុខភាពបេះដូងកាន់តែប្រសើរឡើង។

អ្នកមានបញ្ហាធំជាងគេជាក្រុមមនុស្សធាត់។ ពួកគាត់សម្បូរខ្លាញ់ក្នុងរាងកាយលើសកម្រិត វាឆាប់បង្កហានិភ័យដល់បេះដូង។ លោកគ្រូ សែត លីម បានប្រាប់ថា អ្នកធាត់ បើគាត់ចង់ស្រកគីឡូអាហារណាដែលមានជាតិខ្លាញ់គួរតែកាត់បន្ថយឱ្យបានច្រើន ហើយឱ្យគាត់ប្តូរមកហូបអាហារប្រភេទដូចជា ស្ងោរបន្លែ ហូបបន្លែឆៅ មានសាឡាត ការ៉ុត...ឬបន្លែចម្រុះពណ៌និងប្រភេទសាច់វិញ មានសាច់ត្រី សាច់មាន់ ពេលគាត់ហូបប្រភេទនេះ ខ្លាញ់អត់កើនទេ ហើយវាស្រកគីឡូទៅវិញ។ ការពិត ពេលគាត់ព្យាយាមហូបបន្លែ និងសាច់គ្មានជាតិខ្លាញ់ ឬកុំហូបផ្អែមពេក ត្រឹមមួយសប្តាហ៍ ប្រភេទអាហារហ្នឹងមានវាថាមពលល្អដល់សុខភាពបេះដូង និងរាងកាយខ្លាំងណាស់។

ទម្លាប់ល្អបន្ថែមគឺការគេងនេះឯង។ តាមលោកគ្រូ លីម ណែនាំនោះ ចូរគេងឱ្យបានគ្រប់គ្រាន់ ដើម្បីសុខភាពបេះដូងយើងផលិតឈាមបានល្អបញ្ចូនទៅកាន់ពេញរាងកាយតែម្តង។ មិនត្រឹមតែប៉ុណ្ណោះទេ ការគេងគឺផ្សារជាប់នឹងខួរក្បាល និងធ្វើឱ្យយើងមានកម្លាំងថាមពលឡើងវិញ។ ជាពិសេសពេលយើងក្រោកពីដេក គួរតែផឹកទឹកមួយកែវ វាជួយឱ្យអារម្មណ៍យើងស្រួលក្នុងខ្លួនផងដែរ៕ លោកអ្នកចង់ហាត់ប្រាណ អាចទាក់ទងលោក សែត លីម ហាត់នៅក្លឹប BongLim fitness តាមលេខទូរស៍ព្ទ៖ 0767777 921 // 0314550000