នៅការសិក្សាមួយដែលធ្វើឡើងដោយសាកលវិទ្យាល័យ Yaleបានបង្ហាញថា ការអានសៀវភៅ ជារឿងទាក់ទងដោយផ្ទាល់ទៅនឹងការរស់នៅបានយូរ។ តាមការពិសោធន៍ពីអ្នកអានសៀវភៅ ក្នុងការចូលរួម ៣.៥៣៦នាក់ ដែលមានអាយុលើស ៥០ឆ្នាំ បែងចែកជា២ក្រុម៖ មានអ្នកអានសៀវភៅ ៣ម៉ោងក្នុង១សប្តាហ៍ និក្រុមទី ២ អានលើស៣ម៉ោងក្នុង១សប្តាហ៍។ ការស្រាវជ្រាវរយៈពេល ១២ឆ្នាំនេះ បញ្ជាក់ថា អ្នកអានសៀវភៅក្រុមទី២នេះ រស់នៅបានយូរជាងក្រុមទី១ ចំនួន ២៣ខែឯណោះ និងគ្មានជំងឺវង្វេងថែមទៀត។

សូម្បីខ្ញុំក៏មិនបានចាប់អារម្មណ៍ លើប្រធានបទនេះ ធ្វើឱ្យខ្ញុំមានអារម្មណ៍រំភើបថា ការអានបង្កើតអាយុវែង។ នេះជារឿងទីមួយ ខ្ញុំជួបប្រទះ ព្រោះខ្ញុំជាមនុស្សចូលចិត្តអានសៀវភៅម្នាក់ដែរ។ តាមសារព័ត៌មាន Oberlo បានចុះផ្សាយថា ការអានជាវិធីដ៏ល្អមួយក្នុងការអនុវត្តខួរក្បាលកាន់តែឆ្លាត និងមានឥទ្ធិពលបង្កើនអាយុឱ្យវែង។ ការសិក្សានេះ រកឃើញថា មនុស្សវ័យចំណាស់មានទម្លាប់អាន ជារនាំងការពារវិវត្តទៅជាជំងឺ Alzheimer។

តាមក្រសួងសុខាភិបាលចក្រភពអង់គ្លេស (NHS) បញ្ចាក់ថា អ្នកអានសៀវភៅមានឥទ្ធិពលការពារធ្លាក់ទឹកចិត្ត និងមានគំនិតច្នៃប្រឌិត។ ហើយការអាន គឺល្អសម្រាប់អ្នក។ ព្រោះវាធ្វើអោយប្រសើរឡើងនូវការផ្តោតអារម្មណ៍ ការចងចាំ ការយល់ចិត្ត និងជំនាញទំនាក់ទំនងរបស់អ្នក។ សម្រាប់អាម្មណ៍ផ្លូវចិត្ត ជួយកាត់បន្ថយភាពតានតឹង ធ្វើអោយសុខភាពផ្លូវចិត្តរឹងមាំ និងជួយឱ្យអ្នករស់នៅបានយូរផងដែរ៕
អត្ថបទដោយ៖ ទ្រ សុភាព