រយៈពេលនេះមានអ្នកឈឺច្រើន ជាពិសេសមានអ្នកលាងឈាមព្រោះតែខូចកម្រងនោមដោយសារតែទម្លាប់ញ៉ាំអាហារផ្អែមៗ ព្យាយាមមិនឈឺនោម ខ្ចិលញ៉ាំទឹកតិច និងផឹកស្រាច្រើនជាប្រចាំថ្ងៃ។ តម្រងនោមមានតួនាទីផលិតឈាមល្អចិញ្ចឹមរាងកាយ បញ្ចេញជាតិពុល។ តម្រងនោមរបស់អ្នកជាសរីរាង្គចាំបាច់ណាស់ បើតម្រងនោមអ្នកឆាប់ចុះទ្រុតទ្រោម ឬអាចឈានដល់ការបាត់បង់អាយុជីវិតថែមទៀត។ នេះជាផ្លែឈើ៤ ថែសុខភាពតម្រងនោម៖
១.ផ្លែទំពាំងបាយជូ៖ ចំពោះផ្លែទំពាំងបាយជូពិតជាមានអត្ថប្រយោជន៍ខ្លាំងដល់តម្រងនោម។ ហើយផ្លែទំពាំបាយជូមានផ្ទុកសារធាតុ Resveratrol ដើម្បីដុតបំផ្លាញជាតិខ្លាញ់អាក្រក់ឱ្យអ្នកមានសម្រស់ជាងវ័យនិងការពារតម្រងនោម។ តាមអ្នកស្រាវជ្រាវនៅសាកលវិទ្យាល័យហ្សកហ្ស៊ីក្នុងសហរដ្ឋអាមេរិកបានបញ្ជាក់ថាសារធាតុ Resveratrol ជួយបំបែកកោសិកាខ្លាញ់លឿនជាងធម្មតា ២.៤៦ ដង។ វាក៏ជាសមាសធាតុប្រឆាំងនឹងការរលាកហើយការពារតម្រងនោមពីការខូចខាតបានល្អបំផុត។
២. ផ្លែប៉ោម៖ វាមានគុណភាពល្អបំផុតសម្រាប់សុខភាពតម្រងនោម។ ព្រោះផ្លែប៉ោមមានការប្រឆាំងនឹងការរលាកធ្វើឱ្យសុខភាពតម្រងនោមកុំឱ្យខូចខាតលឿន។ ហើយផ្លែប៉ោមនេះអាចជួយការពារការឆ្លងមេរោគក្នុងផ្លូវបង្ហូរទឹកនោមហើយកាត់បន្ថយហានិភ័យនៃការកើតជំងឺក្រួសក្នុងតម្រងនោម។ អ្វីជាពិសេសនោះផ្លែប៉ោមមានសាធាតុប្រឆាំងអុកស៊ីតកម្មហើយមានជាតិសរសៃជួយបញ្ចុះជាតិស្ករ កាត់ជាតិខ្លាញ់ឱ្យតម្រងនោមមានសុខភាពល្អ។ ហើយញ៉ាំផ្លែប៉ោមមួយថ្ងៃមួយផ្លែជួយថែសម្រស់ឱ្យស្បែកមានសុខភាពល្អ។
៣. ទឹកក្រូចឆ្មារ៖ វាមានសក្តានុពលក្នុងការជួយព្យាបាលបញ្ហាតម្រងនោម។ ព្រោះផ្លែក្រូចមានសាធាតុវីតាមីន C និងអាស៊ីតដែលជួយរក្សាកម្រិត pH ដើម្បីលើកកម្ពស់សុខភាពតម្រងនោមកាន់តែប្រសើរហើយជួយប្រព័ន្ធភាពស៊ាំកាន់តែមាំហើយសម្រស់កុំឱ្យចាស់ជាងវ័យ។ ការផឹកទឹកក្រូចឆ្មារមានប្រសិទ្ធភាពគឺអ្នកផឹកទឹកក្រូចឆ្មារនៅពេលព្រឹកលាងតម្រងឱ្យស្អាតមានសុខភាព។ ប៉ុន្តែចំពោះអ្នកមានបញ្ហាឬជំងឺតម្រងនោះ ហាមផឹកទឹកក្រូចឆ្មារវាប៉ះពាល់តម្រងនោមឱ្យអ្នកមានបញ្ហាខ្លាំង។
៤.ទឹកដូង៖ ទឹកដូងគឺជាប្រភេទភេសជ្ជៈដែលអ្នកគួរតែញុំាជាប្រចាំថ្ងៃបន្ទាប់ពីទឹក ព្រោះវាក៏ល្អមិនចាញ់ទឹកធម្មតាឡើយគ្រាន់តែយើងផឹកនៅក្នុងកម្រិតមួយដែលគេបានកំណត់ ដូចជាប្រមាណ៥០០មីលីលីត្រឬក៏តិចជាង ។ ទឹកដូងសម្បូរដោយអេឡិចត្រូលីតខ្ពស់ ជាតិសូដ្យូម ម៉ាញ៉េស្យូម ជាជម្រើសល្អសម្រាប់អ្នកដែលហាត់ប្រាណ បាត់បង់ជាតិទឹកនៅក្នុងខ្លួនច្រើន ជាពិសេសទឹកដូង ក៏បានជួយទៅបង្ការជំងឺជាច្រើន ដូចជាជំងឺទឹកនោមផ្អែម ជំងឺក្រួសតម្រងនោមជាដើម៕ អត្ថបទដោយ៖ ទ្រ សុភាព