១. តាមការសិក្សាមួយពីសាកលវិទ្យាល័យ Ohio បាននបញ្ជាក់ថា ការទទួលទានផ្លែប៉ោម ១ផ្លែ ក្នុងមួយថ្ងៃ អាចកាត់បន្ថយកម្រិតកូឡេស្តេរ៉ុល ។ ត្រូវបានគេរកឃើញថា ការញ៉ាំផ្លែប៉ោមនេះ បន្ថយកម្រិតជាតិខ្លាញ់ LDL ជាកូលេស្តេរ៉ុលអាក្រក់ដើម្បីពង្រឹងសុខភាពរបស់អ្នកឡើងវិញ។ ព្រោះផ្លែប៉ោមមានតួនាទីជួយជម្រះសារធាតុពុលក្នុងរាងកាយហើយជួយរំលាយខ្លាញ់ផងដែរ។ យោងតាម Medical News Today បានបញ្ជាក់ថា សម្រាប់អ្នកធាត់ចង់សម្រកគីឡូ និងមានថាមពលដល់រាងកាយឡើងវិញបន្ទាប់ពីហាត់ប្រាណរួច អ្នកគួរញ៉ាំផ្លែប៉ោមមួយ ឬពីរផ្លែ។ ពីព្រោះផ្លែប៉ោមមានជាតិសរសៃខ្ពស់ និងមានជាតិទឹកច្រើនជាប្រូតេអ៊ីនជួយឱ្យដល់រាងកាយបានល្អបំផុត។ ហើយផ្លែប៉ោមក៏ជាអាហារសម្រន់ដ៏ល្អក្នុងការជួយឱ្យអ្នកមានសុខភាពល្អ និងធ្វើឱ្យអ្នកបាត់ការឃ្លានអាហារបានយូរហើយវាមានការឡូរីទាបថែមទៀត។ 

២. ផ្លែប៉ោម ជាផ្លែឈើមួយប្រភេទដែលមានប្រយោជន៍ច្រើន យោងតាមប្រភពHealthline បានឱ្យដឹងថា ផ្លែប៉ោមមានសារធាតុសំខាន់ៗដូចជា Quercetin,Chlorogenic acid, Phlorizin និងជាតិកាកសរសៃ ដែលអាចជួយកាត់បន្ថយជាតិស្ករក្នុងឈាម សម្រួលសរសៃឈាម និងការពារជំងឺបេះដូងបាន ហើយមានវាក៏មានកាល់ស្យូមអាចកាត់បន្ថយជាតិអំបិលដែលអ្នកញ៉ាំលើសបានផងដែរ។ សូម្បីអ្នកឧកញ៉ាវេជ្ជបណ្ឌិត គួច ម៉េងលី គាត់បានលើកឡើងថា គាត់តែងទទួលទាន ផ្លែប៉ោម១ផ្លែជាប្រចាំថ្ងៃ បើថ្ងៃណាគ្មានផ្លែប៉ោមទេ ខ្ញុំហូបចេកជំនួសវិញ។ លោកបានលើកឡើងថា ផ្លែប៉ោមមានឥទ្ធិពលក្នុងការទប់ស្កាត់ កុំឱ្យកោសិកាខូច និងពង្រឹងប្រព័ន្ធរាងកាយកុំឱ្យចុះខ្សោយបាន

តាមលោកវេជ្ជបណ្ឌិត Chris Steele បានបញ្ជាក់បន្ថែមថា “ផ្លែប៉ោមជាប្រភពជាតិសរសៃដ៏អស្ចារ្យដែលមានសារធាតុចិញ្ចឹមកាត់បន្ថយហានិភ័យជំងឺបេះដូង និងជំងឺទឹកនោមផ្អែមប្រភេទទី២។” ការញ៉ាំផ្លែប៉ោមជាប្រចាំថ្ងៃ គឺជាផ្លែឈើមួយប្រភេទការពារអ្នកពីជំងឺទឹកនោមផ្អែម៕ អត្ថបទដោយ៖ ទ្រ សុភាព