១. ផឹកទឹកមួយកែវ៖  អ្នកគេងពេញមួយយប់ រាងកាយរបស់អ្នកក៏បានបាត់បង់ជាតិទឹកតាមរយៈការដកដង្ហើម និងការបែកញើសដែរ។ យោងតាមគេហទំព័រ EatingWell បញ្ជាក់ថា ការខ្សោះជាតិទឹកបន្តិចបន្តួចជាប្រចាំថ្ងៃនោះ នាំឱ្យរាងកាយខ្សោយនាំជំងឺដាក់ខ្លួន។ ដូច្នេះ! អ្នកគួរផឹកទឹកមួយកែវជាមុន ហើយចាំផឹកកាហ្វេតាមក្រោយ ដើម្បីខួរក្បាលរបស់អ្នកមានការចងចាំបានយូរ និងការជំងឺទឹកនោមផ្អែមផងដែរ។

២. រង់ចាំ ៦០ ទៅ ៩០នាទីមុនផឹកកាហ្វេ៖ បើយោងតាម Health បញ្ជាក់ថា អ្នកគួរងចាំរយៈពេល ៦០នាទី ទៅ៩០នាទី បន្ទាប់ពីងើបពីគេង ចាំផឹកកាហ្វេមានប្រសិទ្ធភាពខ្ពស់ដល់រាងកាយណាស់ ធ្វើឱ្យរាងកាយបានចាប់ផ្តើមមានចង្វាក់ circadian ស្ថេរភាព ហើយការបន្ថែមកាហ្វេអ៊ីនមានអត្ថប្រយោជន៍ដល់សុខភាពកាន់តែរឹងមាំ។

៣. ញ៉ាំអាហារសម្រន់ស្រាលៗ មុនផឹកកាហ្វេ៖ បើអ្នកភ្ញាក់ពីដំណេកដោយឈឺក្រពះ អ្នកគួរញ៉ាំអាហារសម្រន់ស្រាលៗ មុនពេលផឹកកាហ្វេ។ មានអាហារសម្រន់ស្រាលៗ ដូចជា នំប៉័ង ស្រូវសាលីទាំងមូល ទឹកដោះគោជូរ ស៊ុត ឬផ្លែឈើ អាចផ្តល់ថាមពលបន្ថែមដល់រាងកាយ មុនពេលទទួលទានកាហ្វេអ៊ីន។

៤. អនុញ្ញាតឱ្យរាងកាយទទួលពន្លឺព្រះអាទិត្យ៖ ការចំណាយពេលពីរបីនាទីដើម្បីបើកបង្អួចទទួលពន្លឺថ្ងៃពេលព្រឹកជាទម្លាប់ដែលមានប្រយោជន៍ដល់ការគ្រប់គ្រងចង្វាក់ circadian ជាសញ្ញាប្រាប់រាងកាយឱ្យចាប់ផ្តើមថ្ងៃថ្មី ដោយហេតុនេះធ្វើឱ្យអ្នកមានអារម្មណ៍ល្អធ្វើការ។ ពេលចង្វាក់ circadian របស់អ្នកដំណើរការល្អ ចាំអ្នកផឹកកាហ្វេធ្វើប្រព័ន្ធរាងកាយរឹងមាំប្រឆាំងជាមួយជំងឺកាចៗ ដូចជាលើសឈាមជាដើម។

៥. លំហាត់ប្រាណស្រាលៗ ៖ មុនពេលផឹកកាហ្វេ អ្នកគួរចំណាយពេល ៥-១០ នាទីដើម្បីធ្វើលំហាត់ប្រាណស្រាលៗមួយចំនួនដូចជា ការដើរ ការលាតសន្ធឹងខ្លួន និងការធ្វើចលនាយូហ្គាមួយចំនួននៅពេលព្រឹកដើម្បីជួយបង្កើនចរន្តឈាម ដាស់សាច់ដុំ និងបង្កើនកម្រិតថាមពល។ តាមគ្លីនិក Mayo ក៏បានលើកទឹកចិត្តឱ្យមនុស្សយើងរក្សាសកម្មភាពរាងកាយជាប្រចាំថ្ងៃនៅពេលព្រឹក ដើម្បីកែលម្អសុខភាពសរសៃឈាមបេះដូង សុខភាពផ្លូវចិត្ត និងរាងកាយរឹងមាំផងដែរ៕ អត្ថបទដោយ៖ ​ទ្រ សុភាព