បច្ចុប្បន្ននេះអ្នកដែលមានបញ្ហាតម្រងនោមហើយត្រូវលាងឈាមឃើញថាកើតមានច្រើនខ្លាំងមែនទែននៅក្នុងប្រទេសកម្ពុជាយើង អ្នកជំងឺភាគច្រើនឃើញថាសុទ្ធតែក្មេងៗយុវវ័យ ដោយសារតែពួកគេមួយចំនួនមិនសូវជាយកចិត្តទុកដាក់ចំពោះសុខភាពចេះតែបណ្ដោយខ្លួនពីមួយថ្ងៃទៅមួយថ្ងៃ។ ដើម្បីការពារតម្រងនោម កុំឱ្យលាងឈាមនោះ សូមអ្នកផឹកភេសជ្ជៈធម្មជាតិ១នេះគឺទឹកដូងនេះឯង។ ព្រោះទឹកដូងជាថ្នាំដ៏ល្អបំផុតមួយដែលអាចព្យាបាលបញ្ហាតម្រងនោម ។ ព្រោះវាជួយសំអាតប្លោកនោមនិង ជួយសំរួលប្រព័ន្ធបញ្ចេញទឹកនោម ដែលធ្វើឲ្យតម្រងនោមមានសុខភាពល្អ។ នេះជាអត្ថប្រយោជន៍ទឹកដូងជួយការពារជំងឺ ២មុខនេះ៖
១. ការពារការកើតគ្រួសក្នុងតម្រងនោម៖ ការញ៉ាំទឹកដូងញឹកញាប់នឹងជួយបង្ការការកើតគ្រួសក្នុងតម្រងនោម។ គ្រួសក្នុងតម្រងនោមអាចកើតឡើងនៅពេលដែល កាល់ស្យូមអុកស៊ីតកម្មនិងសមាសធាតុផ្សំផ្សេងទៀតផ្សំឡើងជាគ្រីស្តាល់នៅក្នុងទឹកនោមរបស់អ្នក ដែលវានឹងវិវត្តទៅជាគ្រួស ដូចនេះទឹកដូងបានការពារគ្រីស្តាល់មិនឱ្យជាប់នឹងតម្រងនោមនិងផ្នែកផ្សេងទៀតនៃបំពង់ទឹកនោមឡើយ។ ក្រុមអ្នកស្រាវជ្រាវជឿជាក់ថា ទឹកដូងជួយកាត់បន្ថយការផលិតរ៉ាឌីកាល់សេរីដែលអាចកើតឡើងដើម្បីឆ្លើយតបទៅនឹងកម្រិតជាតិអុកស៊ីតកម្មខ្ពស់នៅក្នុងទឹកនោម។
២. គ្រប់គ្រងជំងឺទឹកនោមផ្អែមល្អបំផុត៖ ជាការពិតណាស់ជំងឺទឹកនោមផ្អែមសព្វថ្ងៃកំពុងកើនឡើងខ្លាំងដោយសារតែមនុស្សភាគច្រើនញ៉ាំរបបអាហារខុស។ ក្នុងនោះដែរ អង្គការសុខភាពពិភពលោក (WHO) បាននិយាយថា អត្រាជំងឺទឹកនោមផ្អែមជាសាកលក្នុងចំណោមមនុស្សពេញវ័យដែលមានអាយុលើសពី១៨ ឆ្នាំបានកើនឡើងពី ៤.៧% ដល់ ៨.៥% ក្នុងឆ្នាំ ២០១៤។ វាមិនបញ្ចប់ត្រឹមនេះទេ ព្រោះ WHO ក៏បាននិយាយផងដែរថាជំងឺទឹកនោមផ្អែម អាចជាមូលហេតុទី៧នៃការធ្វើឱ្យមនុស្សស្លាប់ច្រើននៅឆ្នាំ ២០៣០។ ដូច្នេះហើយ យោងតាមរយៈការសិក្សាស្រាវជ្រាវបាន បង្ហាញថា ទឹកដូងអាចជួយគ្រប់គ្រងកម្រិតជាតិស្ករក្នុងឈាម និងធ្វើឱ្យរោគសញ្ញាជំងឺទឹកនោមផ្អែមប្រសើរឡើង ព្រោះទឹកដូងគឺជាប្រភពដ៏នៃម៉ង់ហ្គាណែស ដែលអាចបង្កើនភាពប្រែប្រួលអាំងស៊ុយលីន និងកាត់បន្ថយកម្រិតជាតិស្ករក្នុងឈាមរបស់អ្នក៕