ថ្លើមពិតជាមានតួនាទីយ៉ាងសំខាន់ណាស់។ វាជួយបន្សាបជាតិពុល ផលិតគ្រប់ឈាម និងបំពេញមុខងារនៃរាងកាយបានល្អ។ បើអ្នកដឹងពីវិធីថែរក្សាសុខភាពថ្លើមបានល្អ អ្វីដែលអ្នកអាចធ្វើគ្រាន់តែអ្នកចំណាយពេលវេលាខ្លះៗ ហាត់ប្រាណ ញ៉ាំបន្លែ និងផ្លែឈើឲ្យបានច្រើន ហើយចៀសវាងការប៉ះពាល់នឹងសារធាតុពុល ឬលេបថ្នាំច្រើន។ ប៉ុន្តែ ៣ទម្លាប់អាក្រក់ពេលព្រឹកនេះនាំថ្លើមអ្នកមានបញ្ហាធ្ងន់មិនខានទេ៖
១. ប្រងើយកន្ទើយមិនផឹកទឹក៖ បន្ទាប់ពីអ្នកសម្រាកពេញមួយយប់ហើយនោះ រាងកាយរបស់អ្នកតែងបាត់ជាតិទឹកឬខ្វះជាតិទឹកជាមិនខាន។ អ្នកត្រូវចាំថា ពេលព្រឹកនេះជាពេលវេលាដែលរាងកាយផ្ទុកជាតិពុលច្រើនបំផុត។ បើអ្នកមានទម្លាប់មិនខ្ចីផឹកទឹកពេលព្រឹកទេ ដូចជាសន្សំជាតិពុលក្នុងថ្លើមក្នុងរាងកាយកាន់តែច្រើនឡើង។ ដូច្នេះហើយ ការផ្តល់ទឹកឱ្យបានគ្រប់គ្រាន់ជួយឱ្យថ្លើមបំពេញមុខងារមេតាបូលីសហើយជាការបន្សាបជាតិពុលឱ្យអ្នកមានសុខភាពមាំ។ ការថែសុខភាពមុខងារថ្លើម ចូរផឹកទឹកក្តៅមួយកែវភ្លាមៗ ពេលអ្នកភ្ញាក់ពីគេងហើយបន្តផឹកទឹកឱ្យបានគ្រប់គ្រាន់ពេញមួយថ្ងៃ។
២. ពេលព្រឹកហូបអាហារមានជាតិស្ករច្រើន ថ្លើមពុលមិនខានទេ៖ ពេលព្រឹកប់អ្នកហូបអាហារមានជាតិស្ករច្រើន វាប៉ះពាល់ដល់ថ្លើម និងតម្រងនោមណាស់។ ដូចជាផឹកកាហ្វេ(ស្ករច្រើន) ហូបនំខេត និងអាហារមានរសជាតិផ្អែមៗ លើសកម្រិតនោះ អ្នកកំពុងតែបង្កឱ្យថើមធ្វើការធ្ងន់ក្នុងការផលិតឈាមចិញ្ចឹមរាងកាយនិងខួរក្បាលជាមិនខានទេ។ ជាពិសេសបង្អែមមានជាតិខ្លាញ់ អាហារទាំងនេះនឹងធ្វើឱ្យថ្លើមចុះខ្សោយហើយកកកុញខ្លាញ់រុំថ្លើមជាដើម។
៣. រំលងញ៉ាំអាហារពេលព្រឹកនាំឱ្យខូចថ្លើម៖ បើអ្នករំលងការញ៉ាំអាហារពេលព្រឹកជាប្រចាំ អាចនាំឲ្យមានផលអាក្រក់ដល់ថ្លើម និងក្រពះរលាក់ព្រោះវាបញ្ចេញជាតិអាស៊ីត។ ពេលអ្នកហូបអាហារពេលព្រឹកជាប្រចាំថ្ងៃ វាជួយការពារថ្លើម និងក្រពះបានល្អ។ ហើយវាជួយកាត់បន្ថយអត្រាជំងឺមហារីក ទឹកនោមផ្អែម ការទល់លាមក និងការពារថ្លើមផងដែរ៕ អត្ថបទដោយ៖ ទ្រ សុភាព