សព្វថ្ងៃនេះ មានមនុស្សភាគច្រើនបានផឹកកាហ្វេខុសក្បួន ខុសម៉ោងធ្វើឱ្យជាតិកាហ្វេមានប្រសិទ្ធភាពរាងតិច។ មានសំណួរជាច្រើនបានលើកឡើងថា យើងគួរផឹកកាហ្វេម៉ោងណាល្អបំផុត? តាមលោក Andrew Huberman ជាសាស្ត្រាចារ្យផ្នែកសរសៃប្រសាទ និងភ្នែកនៅសាលាវេជ្ជសាស្ត្រសាកលវិទ្យាល័យស្ទែនហ្វដបានលើកឡើងថា “ការផឹកកាហ្វេអ៊ីនជាប្រភេទកាហ្វេក្តៅរយៈពេល ៩០ទៅ១២០នាទីបន្ទាប់ពីអ្នកភ្ញាក់ពីគេងពេលព្រឹកនោះ ជួយដាស់ប្រព័ន្ធសរសៃប្រសាទឱ្យស្វាងពីការគេង ហើយសុខភាពខួរក្បាលគិតបានល្អ”។
យកល្អបំផុតអ្នកគួរផឹកកាហ្វេនៅចន្លោះម៉ោង ៩ឬ៩:៣០ ដល់ម៉ោង ១១ព្រឹក ជួយដាស់ខួរក្បាល និងឱ្យរាងកាយអ្នកស្រកគីឡូទៀត។ ព្រោះពេលព្រឹកនៅម៉ោង៧ ដល់ម៉ោង ៩ ខួរក្បាលអ្នកនៅតែផលិតអរម៉ូនរីករាយនៅឡើយទេ។ ព្រោះកាហ្វេមានផ្ទុកនូវសារធាតុប្រឆាំងអុកស៊ីតកម្មដែលអាចកាត់បន្ថយការរលាក និងមានគ្រឿងផ្សំផ្សេងទៀតនៅក្នុងកាហ្វេដែលផ្សារភ្ជាប់ទៅនឹងការថយចុះហានិភ័យនៃជំងឺដូចជាផាកឃីនសុនជាដើម។
បើយោងតាមទស្សនាវដ្តី European Heart Journal បានវិភាគទិន្នន័យពីមនុស្សពេញវ័យជាង ៤០.០០០នាក់ បានបញ្ជាក់ពីលទ្ធផលពេលវេលាផឹកកាហ្វេថា ការផឹកកាហ្វេពេលព្រឹកនៅម៉ោង ៩ដល់ម៉ោង ១១ព្រឹកនេះមានការថយចុះ ៣១%ហានិភ័យក្នុងការស្លាប់ដោយសារជំងឺសរសៃឈាមខួរក្បាល និងបេះដូង។ សូម្បីតែលោកវេជ្ជបណ្ឌិត Lu Qi ក៏បានពន្យល់ពីលទ្ធផលស្រាវជ្រាវនេះផងដែរថា មិនថាអ្នកផឹកកាហ្វេប៉ុន្មានកែវទេ សំខាន់នៅត្រង់ថា ពេលវេលាដែលអ្នកផឹកកាហ្វេទៅវិញ ទើបសំខាន់ជួយសុខភាពរបស់អ្នក។
លោកបន្តថា ការផឹកកាហ្វត្រូវពេល ចំណេញដល់សុខភាពសរសៃរឈាម បេះដូង ខួរក្បាល និងកាត់បន្ថយការស្រកគីឡូផងដែរ។ ជាពិសេសពេលព្រឹកនេះឯង ដើម្បីបង្កើនគុណភាពការផឹកកាហ្វេដល់សុខភាព(សរសៃឈាម ខួរក្បាល និងការគេងពេលយប់) សូមអ្នកកាត់បន្ថយជាតិស្ករ ឬអត់ដាក់ស្ករហើយផឹកកាហ្វេនៅពេលព្រឹក បើដាក់ស្ករត្រឹមតែ ១០ទៅ២០%បានហើយ៕ អត្ថបទដោយ៖ ទ្រ សុភាព