អ្នកមានអាយុលើសពី ៣៥ឆ្នាំ ទៅ ៦០ឆ្នាំ ដោយសារមុខងារតម្រងនោមចុះខ្សោយ។ សូម្បីតែអ្នកមានប្រវត្តិគ្រួសារកើតបញ្ហាជំងឺតម្រងនោម ក៏អាចកើតចេញមកបានដូចជាគ្រួសក្នុងតម្រងនោមដែរ។ ជំងឺនិងបញ្ហានេះអាចកើតមានឡើងគ្រប់ស្រទាប់នៃអាយុរបស់មនុស្ស ក្មេងចាស់ ប្រុសស្រី។ សូមប្រយ័ត្នផង! នេះជាទម្លាប់មានហានិភ័យដល់ជំងឺតម្រងនោម៖
១. ញ៉ាំប្រៃច្រើនជាប្រចាំ៖ អ្នកញ៉ាំអាហារមានរសជាតិប្រៃពេកធ្វើឱ្យបង្កើនសម្ពាធឈាម ហើយឱ្យប្រព័ន្ធច្រោះរបស់តម្រងនោមចុះខ្សោយតាមហ្នឹងដែរ។ នេះជាទម្លាប់រួមចំណែកធ្វើឱ្យយើងខូចតម្រងនោម និងបង្កើនហានិភ័យនៃការកើតជំងឺតម្រងនោម។ សូមអ្នកកាត់បន្ថយរបបអាហារដែលមានជាតិប្រៃខ្លាំង ដូចជាអាហារកែច្នៃ និងអាហារសម្រន់ផង។
២. ផឹកទឹកមិនគ្រប់គ្រាន់៖ ពេលអ្នកផឹកទឹកមិនគ្រប់គ្រាន់ នាំឱ្យតម្រងនោមមិនអាចបណ្តេញជាតិពុល ហើយបណ្តាលឲ្យមានការកើតក្រួសតម្រងនោម និងបង្កមេរោគលើផ្លូវទឹកនោមផងដែរ។ ដើម្បីថែសុខភាពតម្រងនោម សូមអ្នកគួរញ៉ាំទឹកឲ្យបានគ្រប់គ្រាន់ ជាពិសេសនៅរដូវក្តៅ និងអំឡុងពេលធ្វើលំហាត់ប្រាណផងដែរ។
៣. ទម្លាប់ផឹកទឹកតែនៅពេលស្រេកបានផឹក៖ នេះជាកំហុសមួយធ្ងន់ធ្ងរមួយសម្រាប់មនុស្សយើង ដោយគិតថាវាជាសញ្ញាធម្មជាតិនៃរាងកាយ។ ជាក់ស្តែង អារម្មណ៍ស្រេកទឹកជាសញ្ញាដែលបង្ហាញថារាងកាយបានចាប់ផ្តើមខ្វះជាតិទឹករួចហើយ។ នៅពេលនេះ តម្រងនោមត្រូវធ្វើការខ្លាំងដើម្បីរក្សាតុល្យភាពជាតិទឹកក្នុងខ្លួន។ បើអ្នកបន្តទម្លាប់នេះយូរៗទៅ វាអាចបង្កឱ្យតម្រងនោមធ្វើការក្នុងស្ថានភាពតានតឹងជាប្រចាំ ដែលងាយនឹងនាំឱ្យកើតគ្រួសក្នុងតម្រងនោម និងប៉ះពាល់ដល់ប្រព័ន្ធបញ្ចេញចោលទាំងមូល រួមទាំងថ្លើមផងដែរ។ វិធីល្អគឺផឹកទឹកឱ្យបានទៀងទាត់ ទោះបីមិនទាន់ស្រេកក៏ដោយ។
៤. ការជក់បារី និងការផឹកគ្រឿងស្រវឹងច្រើនពេកអាចបណ្តាលឱ្យតម្រងនោមចុះខ្សោយព្រោះតាមសរសៃឈាមសម្បូរជាតិពុល យូរៗ ខូចតម្រងនោមលាងឈាមអត់ដឹងខ្លួនទេ។ ព្រោះការជក់បារីធ្វើឱ្យសរសៃឈាមរួមតូច ខូចតម្រងនោម ធ្វើឱ្យសរីរាង្គផ្សេងៗ ដំណើរការច្របូកច្របល់ជាមិនខាន។ ការផឹកគ្រឿងស្រវឹងច្រើនពេកជាការដាក់សម្ពាធលើក្រលៀននាំឱ្យមានការខូចខាតតម្រងយូរអង្វែង៕ អត្ថបទដោយ៖ ទ្រ សុភាព