ជំងឺមហារីកថ្លើមមិនបង្ហាញរោគសញ្ញាឱ្យច្បាស់លាស់ទេ។ ពេលខ្លះអ្នកគ្រាន់តែមានអារម្មណ៍អស់កម្លាំង ក្តៅខ្លួនតិចៗ និងបែកញើសពេលយប់ជាដើម។ តាមមន្ទីរពេទ្យកាល់ម៉ែតបានបញ្ជាក់ថា ជំងឺមហារីកថ្លើមច្រើនតែមិនមានអាការៈនៅដំណាក់កាលដំបូង។ ទោះជាយ៉ាងណាក៏ដោយ មានសញ្ញាព្រមានសំខាន់ៗដែលមិនគួរមើលរំលង៖
១. ការសម្រកទម្ងន់ដែលមិនអាចពន្យល់បាន
២. បាត់បង់ចំណង់អាហារ
៣. ឈឺពោះ ផ្នែកខាងលើខាងស្តាំ ហើមពោះ
៤. ភ្នែក ឬស្បែកលឿង (ខាន់លឿង)
* ជាពិសេសគួរមានការប្រុងប្រយ័ត្នខ្ពស់ចំពោះអ្នកមាន៖
១. ជំងឺរលាកថ្លើមរ៉ាំរ៉ៃប្រភេទ B ឬ C
២. ជំងឺថ្លើមដោយសារគ្រឿងស្រវឹង
៣. ប្រវត្តិគ្រួសារនៃជំងឺមហារីកថ្លើម
ជាទូទៅជំងឺមហារីកថ្លើមច្រើនកើតឡើងដោយស្ងៀមស្ងាត់ ហេតុដូចនេះត្រូវគប្បីតានដានសុខភាពជាប្រចាំ និងពិគ្រោះយោបល់ជាមួយវេជ្ជបណ្ឌិតឯកទេសនៃមន្ទីរពេទ្យកាល់ម៉ែត ដើម្បីធ្វើរោគវិនិច្ឆ័យ និងព្យាបាលឲ្យបានទាន់ពេលវេលាប្រកបដោយប្រសិទ្ធភាព។