១. មនុស្សឆ្លាតជាអ្នកចេះប្រើពាក្យ “ទេ” មិនមែនគេជាមនុស្សគ្មានចិត្តទេ គ្រាន់តែមានគំនិតផ្តោតលើគោលដៅប៉ុណ្ណោះ។ អ្នកមិនខ្លាចនឹងនិយាយថា “ខ្ញុំមិនដឹង” គេជាបុគ្គលឆ្លាតឆាប់យល់ថា ខ្លួននឹងមិនអាចចេះដឹងអ្វីៗទាំងអស់ទេ ព្រោះពួកគេយល់ថាមនុស្សតែងតែមានចំណុចខ្លះខ្វះខាត ហើយគួរបើកចិត្តរៀនសូត្រពីអ្នកដទៃដើម្បីរីកចម្រើន។ នេះជាសញ្ញានៃមនុស្សឆ្លាត គេហ៊ានទទួលស្គាល់ចំណុចដែលខ្លួនមិនចេះ មិនដឹង មិនយល់ ដោយពួកគេនឹងបន្ទាបខ្លួន បន្ទាន់ឥរិយាបថរៀនសូត្រគំនិតពីអ្នកដទៃជានិច្ច។ ពូកែដាក់ខ្លួន ហើយពូកែស្រូបគំនិតពីគេ។

២. មនុស្សឆ្លាតជាអ្នកអាចសម្របខ្លួនតាមស្ថានការណ៍។ មនុស្សយើងសព្វថ្ងៃនេះ កំពុងតែរស់នៅក្នុងពិភពលោកដែលអ្វីៗ មានការផ្លាស់ប្តូរយ៉ាងឆាប់រហ័សបំផុតមានបច្ចេកវិទ្យា បទដ្ឋានសង្គម និងសូម្បីតែអាកាសធាតុក៏មានការផ្លាស់ប្តូរដែរ ហេតុនេះការចេះសម្របខ្លួនគឺជារឿងសំខាន់ ដើម្បីរស់ ឱ្យជីវិតទៅកាន់គោលដៅ។ អ្នកមានសញ្ញាឆ្លាតវៃនឹងស្វែងរកវិធីសាស្រ្តដើម្បីប្រឈមមុខនឹងបញ្ហាអាចសម្រប​ខ្លួន​ទៅ​នឹង​ស្ថានភាព​ថ្មី​ៗ បានយ៉ាងងាយស្រួលនិងឆាប់រហ័ស។

៣. អ្នកមិនខ្លាចនៅម្នាក់ទេ។ ការស្រាវជ្រាវដូចៗគ្នាបានបង្ហាញថា មនុស្សដែលមានភាពវៃឆ្លាតខ្ពស់គឺតែងមានអារម្មណ៍រីករាយក្នុងការចំណាយពេលនៅម្នាក់ឯង ដើម្បីគិត ឱ្យដំណើរការព័ត៌មានខួរក្បាលបានបង្កើតគំនិតថ្មីៗ និងបញ្ចូលថាមពលរាងកាយឡើងវិញ ជាជាងចំណាយពេលនៅជុំវិញមនុស្សច្រើន​។

៤. អ្នកឆ្លាតជាមនុស្សឆ្ងល់និងគិតច្រើន។ អ្នកអាចមានអារម្មណ៍ថាខ្លួនគិតច្រើន និតមានក្តីព្រួយបារម្ភច្រើន នេះក៏ជាសញ្ញាមួយដែលបង្ហាញថាអ្នកជាមនុស្សឆ្លាតវៃផងដែរ។ តាមអ្នកចិត្តសាស្រ្តនៃស្ថាប័ន Geediting បានរកឃើញថាទំនាក់ទំនងរវាងការថប់បារម្ភ គឺពាក់ព័ន្ធយ៉ាងស៊ីជម្រៅជាមួយបញ្ញាវៀងវៃ ព្រោះបុគ្គលឆ្លាតតែងមានសមត្ថភាពស្រមៃមើលអំពីលទ្ធផលចុងក្រោយ លើស្ថានភាពណាមួយដែលពួកគេកំពុងព្រួយបារម្ភជាបុគ្គលពូកែឆ្ងល់ ពូកែគិតដើម្បីដោះស្រាយបញ្ហា៕ អត្ថបទដោយ៖ ទ្រ សុភាព