១. ការរួមមេត្រីសម្រាប់ដៃគូមិនមែនត្រឹមតែក្តីស្រឡាញ់នោះទេ តាមលោកJoseph J.Pinzoneបាននិយាយថា ការសិក្សាស្រាវជ្រាវបានបង្ហាញថា ការរួមភេទជួយសម្រួលសម្ពាធសរសៃឈាមបានល្អ ធ្វើឱ្យឈាមដំណើរស្រួលពេញរាងកាយតែម្តង។

២. ការរួមភេទនេះ ជួយការពារមហារីក។ អ្នកសិក្សាស្រាវជ្រាវបង្ហាញកាលពីឆ្នាំ២០១៦ នៅក្នុងទស្សាវដ្ដីអ៊ឺរ៉ុបUrologyបានរកឃើញថា ​បុរសបានបញ្ចេញទឹកកាមលើសពី២១ដងក្នុងមួយខែ អាចជួយកាត់បន្ថយការកើតជំងឺមហារីកក្រពេញប្រូស្តាត នេះបើធៀបទៅនឹងអ្នកបញ្ចេញទឹកកាមបាន៤ទៅ៧ដងក្នុងមួយខែ។​

៣. ការរួមភេទជួយបំបាត់ការឈឺចាប់។ ពេលអ្នករួមមេត្រីឈានដល់កំពូលជួយបញ្ចេញកម្រិតអ័រម៉ូនរបស់អុកស៊ីតូស៊ីន (Oxytocine) មានការកើនឡើងខ្ពស់ជាងកម្រិតធម្មតារហូតដល់ ៥ដងឯណោះ។ ហើយមានអ័រម៉ូនមួយទៀតពេលរួមភេទបានបញ្ចេញដែរនោះគឺអ័រម៉ូនអង់ដូហ្វីន (Endorphins) ជួយបំបាត់ការឈឺចាប់។

៤. ការរួមភេទជួយពន្យាភាពចាស់ផងដែរ។ ព្រោះការរួមភេទជួយឱ្យសម្រស់របស់អ្នកក្មេងជាងវ័យ ពីព្រោះវាបានជួយឱ្យអារម្មណ៍របស់អ្នកធូរស្រឡះបន្ថយភាពតានតឹងក្នុងចិត្ត និងជួយឱ្យលំហូរចេញនៃឈាមក្រោមស្បែករបស់អ្នកដំណើរការល្អ និងថែមទាំងជួយឱ្យកោសិកាថ្មីៗលូតលាស់លឿនជាងមុនទៀតផង។

 ៥. ការរួមភេទអាចជួយឲ្យអ្នកអារម្មណ៍ល្អ សប្បាយចិត្ត កម្ចាត់ភាពស្រ្ដេស តបប្រមល់ តានតឹងចិត្តជាដើម។ យោងតាមការសិក្សារបស់សាកលវិទ្យាល័យ Arizona State University នៅពេលដែលដៃគូមានទម្លាប់រួមភេទរាល់ពេលយប់១ដង វានឹងជួយឲ្យពួកគេរឹតតែស្រលាញ់គ្នាលើសដើម នឹងមានអារម្មណ៍ធូរស្រាល សប្បាយចិត្ត។ នេះក៏ព្រោះការប៉ះអោប អង្អែលធ្វើឲ្យមនុស្សទទួលបានអុកស៊ីតូស៊ីនហូរទៅកាន់ខួរក្បាល ខណៈការឈានដល់ចំណុចកំពូលនឹងជួយឲ្យអ័រម៉ូនរឹតតែកើនឡើង។  អ័រម៉ូនអុកស៊ីតូស៊ីន នេះដែរត្រូវបានគេស្គាល់ថាជា "អរម៉ូននៃក្ដីស្រឡាញ់" ធ្វើឱ្យគូស្នេហ៍មានអារម្មណ៍ថា ទំនាក់ទំនងជាមួយមនុស្សដែលយើងកំពុងស្រឡាញ់កំពុងទាក់ទាញនៅពេលចំណង់ផ្លូវភេទ និងការយល់ចិត្តគ្នាកាន់តែខ្លាំងឡើងជាមួយនរណាម្នាក់ អាចជាកត្តាសំខាន់គាំទ្រដល់សុខភាពយើងទាំងផ្លូវចិត្ត និងផ្លូវកាយផងដែរ៕ អត្ថបទដោយ៖ទ្រ សុភាព