សព្វថ្ងៃនេះជំងឺទឹកនោមផ្អែមកំពុងតែរាងកើនឡើង មកពីមនុស្សមួយចំនួនផឹកភេសជ្ជៈផ្អែម ឬដាក់ស្ករលើសកម្រិតហើយខ្វះលំហាត់ប្រាណ។ តាមអង្គការសុខភាព WHO បានចុះផ្សាយថា អ្នកជំងឺទឹកនោមផ្អែមជាសាកលក្នុងចំណោមមនុស្សពេញវ័យមានអាយុលើសពី១៨ ឆ្នាំបានកើនឡើងពី ៤.៧% ដល់ ៨.៥% ក្នុងឆ្នាំ ២០១៤។ ហើយជំងឺទឹកនោមផ្អែមជាមូលហេតុទី៧ ធ្វើឱ្យមនុស្សស្លាប់ច្រើនបំផុតនៅឆ្នាំ២០៣០។
បើអ្នកពិសារទឹកដូងពេលព្រឹក ១ផ្លែ ជួយលាងតម្រងនោមបញ្ចេញជាតិពុលហើយជួយគ្រប់គ្រងកម្រិតជាតិស្ករក្នុងឈាម។ មកពីទឹកដូងមានសារធាតុម៉ង់ហ្គាណែសបង្កើនភាពប្រែប្រួលអាំងស៊ុយលីន និងកាត់បន្ថយកម្រិតជាតិស្ករក្នុងឈាម។ អាចនិយាយថា ផឹកទឹកដូងពេលព្រឹកជួយបន្សាបជាតិពុលចេញពីតម្រងនោមបានល្អបំផុត។ ពេលអ្នកមានសុខភាពល្អពិសារទឹកដូង ១ថ្ងៃ ១ផ្លែ អ្នកមិនងាយជំងឺទឹកនោមផ្អែមនិងលើសឈាមនោះទេ។
ពេលអ្នកផឹកទឹកដូងមួយសប្តាហ៍៥ថ្ងៃជួយកាត់បន្ថយភាពអស់កម្លាំងនិងស្រ្តេស។ ប្រសិនណាអ្នកកំពុងមានអាការដូចជា អស់កម្លាំង ស្ត្រេស មានអារម្មណ៍ថាងងុយគេង និងមិនចង់ញ៉ាំ ឬធ្វើអ្វីទាល់តែសោះ ការទទួលទានទឹកដូងមួយពែងអាចជួយឱ្យអ្នក មានអារម្មណ៍ធូរស្រាល ហើយវាធ្វើឱ្យចិត្តស្ងប់ កាត់ស្ត្រេស។
បន្ថែមពីលើនេះទៀត បរិមាណដែលសមស្របសម្រាប់មនុស្សពេញវ័យ និងមនុស្សចាស់ គួរផឹកគឺចន្លោះពី ២៥០ទៅ៥០០មីលីលីត្រក្នុងមួយថ្ងៃ គ្រប់គ្រាន់ហើយ។ ចំពោះស្រ្តីមានផ្ទៃពោះ បំបៅដោះកូន អ្នកកំពុងត្រៀមខ្លួនវះកាត់ផ្សេងៗមុនញុំាត្រូវពិគ្រោះជាមួយអ្នកជំនាញជាមុនសិន៕ អត្ថបទដោយ៖ ទ្រ សុភាព