សុខភាពគឺជាផ្នែកដ៏សំខាន់មួយដែលគ្មានអ្វីអាចកាត់ថ្លៃបាន ប្រសិនបើសុខភាពរបស់អ្នកមិនល្អ នោះនឹងធ្វើឱ្យមានផលប៉ះពាល់ជាច្រើនដល់ខ្លួនអ្នក ដែលធ្វើឱ្យអ្នកខាតទាំងពេលវេលា ខាតទាំងលុយកាក់។ តាមលោកគ្រូពេទ្យ ហួ ភារ៉ា ជា ជាពេទ្យជំនាញថែទាំអ្នកជំងឺខ្សោយតម្រងនោម នៅមន្ទីរកាល់ម៉ែត បានលើកឡើងពីរឿងពិតមួយ....គឺថា មានក្មេងស្រីវ័យមិនដល់ម្ភៃឆ្នាំផង តែងតែមានអាការ ឈឺក្បាល និងក្អួតចង្អោរញឹកញាប់តាំងពីតូច ក្រុមគ្រួសារក៏បាននាំទៅប្រឹក្សាជាមួយគ្រូពេទ្យ ប៉ុន្តែក្រុមគ្រូពេទ្យរកមិនឃើញថានាងមានបញ្ហាសុខភាពអ្វីឲ្យច្បាស់លាស់នោះទេ ។ ស្របពេលជាមួយគ្នានោះ ការប្រើប្រាស់ថ្នាំបំបាត់ការឈឺចាប់ដោយខ្លួនឯង (ព្រោះនាងឧស្សាហ៍ឈឺក្បាលណាស់) បានចាប់ផ្ដើមជាបន្តបន្ទាប់ ដោយពេលខ្លះទិញមួយបន្ទះ ជូនកាលទិញរហូតដល់មួយប្រអប់ក៏មាន (នាងបានបន្ថែមថា ថ្នាំនោះពូកែណាស់លោកគ្រូ ក្រោយ ញ៉ាំតែរយៈពេល១៥នាទីគឺបាត់ឈឺក្បាលហើយ) ទម្លាប់ញ៉ាំថ្នាំនេះមានរយៈពេលយូរគួរសម (ចាំមិនច្បាស់ដែរ) ...។