ពេលអ្នកឈឺនោមបញ្ចេញមកមានឈាម អ្នកពិតជាមានកង្វល់ក្នុងចិត្តមិនខានទេ។ នេះជាបញ្ហាសុខភាពធ្ងន់ធ្ងរណាមួយកើតឡើងដោយអ្នកអត់ដឹងខ្លួន។ ហើយមានមនុស្សជាច្រើននោមចេញឈាម មានកត្តាជាច្រើន បើយោងតាមមន្ទីរពេទ្យកាល់ម៉ែត បានលើកឡើងថា ការនោមឈាម (Hématurie: គឺជាស្ថានភាពដែលមានគ្រាប់ឈាមក្រហមលាយនៅក្នុងទឹកនោម អាចមើលឃើញដោយភ្នែក។ ការនោមឈាមជាសញ្ញា មិនមែនជាជំងឺ ប៉ុន្តែអាចបង្ហាញពីជំងឺផ្សេងៗនៃប្រព័ន្ធតម្រងនោម។ ជាទូទៅគេបែងចែកការនោមឈាមជាពីរគឺ៖
ទី១. នោមឈាមដែលអាចមើលឃើញដោយភ្នែក (hématurie macroscopique)។
ទី២. នោមឈាមដែលមិនអាចមើលឃើញដោយភ្នែកទទេ ( hématurie microscopique )។
ក. ចំពោះរោគសញ្ញារួមផ្សំជាមួយការនោមឈាម៖
១. នោមក្រហាយ
២. នោមទាស់
៣. នោមញឹកញាប់
៤. ក្ដៅខ្លួនញាក់
៥. ឈឺចង្កេះទាំងសងខាង ឬ ឈឺតែម្ខាង
៦. អស់កម្លាំង ស្លេកស្លាំង
៧. ឈឺពោះលើថ្ងាសក្រោមផ្ចិត (Douleur sous pubienne)
៤) មូលហេតុនៃការនោមឈាម
ខ. ការនោមឈាមមានមូលហេតុច្រើនដូចជាៈ
១. រលាកក្រពេញប្រូស្តាត
២. រលាកបង្ហួរនោម
៣. មហារីកក្រពេញប្រូស្តាត
៤. ក្រពេញប្រូស្តាតរីកធំ
៥. មហារីកប្លោកនោម
៦. រលាកប្លោកនោម
៧. គ្រួសក្នុងតម្រងនោម
៨. រលាកតម្រងនោម
៩. មហារីកតម្រងនោម
១០. ជំងឺគីសតម្រងនោម
១១. ពិសាទឹកមិនគ្រប់គ្រាន់
១២. ការប៉ះទង្គិចទៅលើរចនាសម្ព័ន្ធនៃតម្រងនោម ដូចជាបង្ហួរនោម ប្លោកនោម ឬ តម្រងនោម (traumatism)
១៣. កត្តាថ្នាំមួយចំនួនដូចជាការប្រើប្រាស់ថ្នាំប្រឆាំងនឹងកំណកឈាម រឺ ថ្នាំពង្រាវឈាម
ការព្យាបាល និងដំបូន្មានរបស់ក្រុមគ្រូពេទ្យជំនាញវះកាត់ប្រព័ន្ធទឹកម៉ូត្រ ដោយសារការនោមឈាមមានមូលហេតុផ្សេងៗខុសៗគ្នា មានរោគសញ្ញាច្រើនត្រូវសួរនាំ ព្រមទាំងមានមធ្យោបាយសម្បូរបែបត្រូវពិនិត្យ និងវិភាគតាមបច្ចេកទេសវេជ្ជសាស្ដ្រ ហេតុនេះអ្នកជំងឺចាំបាច់ត្រូវមកទទួលការពិគ្រោះជាមួយគ្រូពេទ្យឯកទេសប្រព័ន្ធទឹកម៉ូត្រឲ្យបានឆាប់រហ័ស ដើម្បីធ្វើរោគវិនិច្ឆ័យ និងព្យាបាលប្រកបដោយប្រសិទ្ធភាព និង សុវត្ថិភាព ។ ជាដំបូន្មាន ចំពោះលោកអ្នកដែលមានរោគសញ្ញាទាក់ទងទៅនឹងប្រព័ន្ធទឹកម៉ូត្រដូចបានជម្រាបជូនខាងលើ សូមអញ្ជើញមកពិគ្រោះជំងឺជាមួយក្រុមគ្រូពេទ្យឯកទេសនៅមន្ទីរពេទ្យកាល់ម៉ែត ដែលមានបទពិសោធន៍ និងជំនាញច្បាស់លាស់ រងចាំផ្តល់សេវាជូនលោកអ្នកប្រកបដោយគុណភាព និងប្រសិទ្ធភាព ។