១. ជាមនុស្សមានសតិស្មារតីក្នុងខ្លួន៖ ពេលខ្ញុំទៅធ្វើការងារនៅម៉ោង៩ វាខុសច្បាប់ក្រុមហ៊ុន...។ មនុស្សមានសតិនឹងឆាប់យល់ពីអារម្មណ៍របស់ខ្លួនឯង ធ្វើបែបនេះ វាមិនសមទេ។ ហើយជាមនុស្សមានសមត្ថភាពក្នុងការប្រើវាដើម្បីធ្វើការសម្រេចចិត្តបានល្អ។ ការដឹងពីចំណុចខ្សោយ និងចំណុចខ្លាំង ធ្វើឱ្យយើងចេះរកវិធីដោះស្រាយបានល្អ។

២. ចេះគ្រប់គ្រងលើខ្លួនឯង៖ ពេលមានបញ្ហាអ្វីមួយ អារម្មណ៍យើងចេះអត់ធ្មត់ដោយមានមនសិការក្នុងការទទួលខុសត្រូវ ឱ្យស្គាល់អ្វីល្អ អ្វីអាក្រក់ និងស្គាល់តម្លៃការងារផងដែរ។ ព្រោះដំណើរឈានទៅរកភាពជោគជ័យសម្រាប់ជីវិត យើងត្រូវចេះគ្រប់គ្រងលើខ្លួនឯង។ ហើយជាមនុស្សចេះរៀបចំអារម្មណ៍ឱ្យមានរបៀបតាមលំដាប់លំដោយ។

៣. ចេះលើកកម្លាំងចិត្ត៖ អ្នកដែលអាចសម្រេចគោលដៅ និងបង្កើតលទ្ធផលបានល្អក្នុងការងារ ជាមនុស្សចេះលើកទឹកចិត្តដោយខ្លួនឯង ដើម្បីមានការតស៊ូយ៉ាងស្វិតស្វាញ និងសំលៀងគំនិតឱ្យមុតស្រួច។ ការលើកកម្លាំងចិត្តរួមមាន ការហាត់ប្រាណ ការអានសៀវភៅ ការគេងគ្រប់គ្រាន់ និងហូបអាហារល្អៗ...។

៤. ចេះយល់ចិត្តថ្លើមអ្នកដទៃ៖ មនុស្សមានភាពឆ្លាតវៃផ្នែកអារម្មណ៍នេះ ឆាប់ចេះយល់ចិត្ត និងអារម្មណ៍អ្នកដទៃបានលឿន។ ហើយជាមនុស្សប៉ិនប្រសព្វក្នុងការទំនាក់ទំនងជាមួយអ្នកដទៃមានប្រសិទ្ធភាព។ ហើយជាមនុស្សចេះដឹកនាំ និងមានសមត្ថភាពក្នុងការបញ្ចុះបញ្ចូលចិត្តមនុស្សប្រភេទផ្សេងៗ ឱ្យចូលរួមក្តីស្រមៃទាំងអស់គ្នា។

៥. ជាអ្នកឆាប់ដឹងរាក់ជ្រៅក្នុងសង្គម៖ មនុស្សមាន EQ នេះ ពូកែខាងចងមេត្រីជាមួយមនុស្សជុំវិញខ្លួន និងតាមបណ្តាញសង្គម ឬសង្គមនយោបាយ ជាមានសម្ពន្ធភាពយ៉ាងសមរម្យ ព្រមទាំងចេះរួមសហការជាមួយអ្នកដទៃ ដើម្បីបង្កើនប្រសិទ្ធភាពលើការងារយ៉ាងអស្ចារ្យបំផុត។

ដូចនេះ មនុស្សមាន EQ ខ្ពស់ អ្នកអាចពិចារណានូវសញ្ញាទាំង ៥នេះ។ ប្រសិនបើអ្នកមិនទាន់មានកម្រិត EQ ទាំងអស់នេះ ក៏អ្នកអាចធ្វើការអភិវឌ្ឍខ្លួនម្តងបន្តិចៗ ។ កម្រអ្នកកើតមកជាមួយភាពឆ្លាតវៃខាងអារម្មណ៍នេះណាស់។ ការអភិវឌ្ឍទាំងផ្នែកមាន IQ និង EQ ជារឿងជោគជ័យក្នុងជីវិតធំបំផុត៕  អត្ថបទដោយ៖ ទ្រ សុភាព