បើរាងកាយអ្នកខះទឹកយូរជាប្រថ្ងៃ រយៈពេលយូរនាំឱ្យខះជាតិទឹកក្នុងតម្រងនោម។ ការខះជាតិទឹកដាក់សម្ពាធលើក្រលៀនរបស់អ្នកឱ្យពិបាកបញ្ចេញកាកសំណល់ចេញតម្រងនោមនិងជាតិពុលកើនឡើងមិនខានទេ។

យោងតាមរយៈលោវេជ្ជបណ្ឌិត ឡាំ កោវិន ឯកទេសវះកាត់តម្រងនោម បានបញ្ចប់ការសិក្សាពីប្រទេសបារាំងនាយកគ្លីមនិក Phnom Penh Urology Clinic បានបញ្ជាក់ថា ការពិសារទឹកមិនគ្រប់គ្រាន់ជាមូលហេតុដែលសំខាន់ជាងគេដែលនាំឱ្យកើតក្រួសក្នុងតម្រងនោម។ រួមផ្សំជាមួយអាកាសធាតុនៅក្នុងប្រទេសរបស់យើងកំពុងក្ដៅទៀត ហើយពិសារទឹកមិនបានគ្រប់គ្រាន់ជាហេតុធ្វើឱ្យអ្នកប្រឈមកើតជំងឺក្រួសក្នុងតម្រងនោមលឿនណាស់។ ដូច្នេះសូមបងប្អូនពិសារទឹក​ឱ្យបានគ្រប់គ្រាន់ក្នុង១ថ្ងៃយ៉ាងហោចណាស់ជិត៣លីត្រដែរ។

ការពិសាទឹកឱ្យបានគ្រប់គ្រាន់ពិតជាមានសារៈសំខាន់សម្រាប់តម្រងនោមឱ្យមានស្នាមញញឹម។ តាមបរិមាណទឹកផឹកជាប្រចាំថ្ងៃជាទូទៅសម្រាប់បុរសចាប់ពី ៣ទៅ៤លីត្រ។ ចំពោះនារីៗ ចាប់ពី២លីត្រកន្លះទៅ៣លីត្រជាង ដើម្បីសុខភាពតម្រងនោមលាងជាតិពុល។ ជម្រើសមួយទៀត អ្នកទៅពិនិត្យតម្រងនោម និងពិគ្រោះយោបល់ជាមួយគ្រូពេទ្យយ៉ាងហោចណាស់១ឆ្នាំម្តង ដើម្បីដឹងពីសុខភាពតម្រងនោមរបស់អ្នក កុំចាំដល់ពេលឈឺ ពីព្រោះតម្រងនោមបើបានឈឺហើយគឺជាជំងឺមួយដែលត្រូវការលុយព្យាបាលច្រើនណាស់៕ អត្ថបទដោយ៖ ទ្រ សុភាព