តាមអ្នកស្រី កៅ សារ៉ាន់ អាជីវករ លក់បន្លែជាច្រើនឆ្នាំបានប្រាប់ឱ្យដឹងថា បន្លែស្ពៃតឿនេះ យកមកពីស្រុកបាណន់ នៅខាងកំពីងពួយជាផលិតផលក្នុងស្រុកដែលកសិករដាំដុះខ្លួនឯងផ្ទាល់។ ដោយក្នុងមួយថ្ងៃនាំចូលមកលក់៥០០គីឡូក្រាម ហើយលក់អស់ៗ ។ លោកស្រីបានបន្ថែមថា ស្ពៃតឿទិញចូល ១គីឡូក្រាម តម្លៃជាងពីរពាន់រៀល ខណៈលក់ចេញ បីពាន់រៀល។

ចំណែកឯ អាជីវករ ស៊ី ស្រីនាង នៅផ្សារបន្លែ ភួ ពុយដែលនោះបានលើកឡើងថា បន្លែទាំងនេះ ជាផលិតផលក្នុងស្រុក ល្ហុងយកមកពីស្អាង ត្រប់ស្រួយយកមកពីអក្សរតេ ក្រពើពីរ ។ ស្រីនាង បានបន្ថែមថា ចំពោះផ្លែល្ហុងយកមកលក់អស់ក្នុងមួយថ្ងៃជាង៣តោន ចំពោះតម្លៃលក់ចេញ ១គីឡូក្រាម ៣០០រៀល ក្នុងមួយថង់ទម្ងន់១០គីឡូក្រាម បីពាន់រៀល ។ អាជីវកររូបនេះ«សូមឱ្យបងប្អូនប្រជាពលរដ្ឋទាំងអស់គាំទ្រកសិផលខ្មែរ ដោយជួយទិញ ជួយទទួលទានផលដំណាំរបស់កសិករយើង»។

 ហើយលោក ហ៊ិន វុឌ្ឍី អនុប្រធានមន្ទីរពាណិជ្ជកម្មខេត្តបាតដំបង បានថ្លែងឱ្យដឹងថាបើយោងតាមទិន្នន័យពីម្ចាស់ផ្សារ មាន បន្លែផ្លែឈើគ្រប់មុខមានការនាំចូលមកផ្សារបន្លែ ភួ ពុយ ប្រហែលជាង១ពាន់តោនក្នុងមួយថ្ងៃ។ ក្នុងនោះលោកបានបន្ថែមថាមានបន្លែនាំចូលពីក្រៅប្រទេស ប្រហែល៦០០តោនមានពីប្រទេសចិន និងវៀតណាម ។ ហើយបន្ទាប់មក ធ្វើការរបែងចែកជុំវិញខេត្ត មាននាំទៅបណ្ដាខេត្តដូចជា ខេត្តបន្ទាមានជ័យ សៀមរាបខេត្តពោធិ៍សាត់និងខេត្តមួយចំនួនទៀត...៕ យោងតាមក្រសួងព័ត៌មាន។