ភេសជ្ជៈជាអាវុធមុខពីរ។ វាអាចជួយសុខភាព និងបំផ្លាញ់សុខភាពឱ្យខូចតម្រងនោមផងដែរ។ យោងតាមអង្គការសុខភាពពិភពលោក មានមនុស្សជាង ៤២២លាននាក់កំពុងរស់នៅជាមួយទម្រង់ជំងឺទឹកនោមផ្អែម។ មុននឹងកើតជំងឺទឹកនោមផ្អែម អ្នកអាចខូចតម្រងនោមដែលតួនាទីចម្រាញ់ជាតិស្ករចេញសរសៃឈាម។ ចូរអ្នកប្រយ័ត្នបន្តិចផង! ជាពិសេសអ្នកចូលចិត្តផឹកកាហ្វេ និងភេសជ្ជៈលើសជាតិស្ករ។ មានអ្នកខ្លះផឹកកាហ្វេដាក់ស្ករ ១០០% សុទ្ធតែមានបញ្ហាសុខភាពតម្រងនោមមិនខានទេ វាគ្រាន់តែប្រើរយៈពេលយូរបន្តិចតែប៉ុណ្ណោះ។ ជាតិកាហ្វេមិនមែនជាបញ្ហាទេ ជាបញ្ហាធំដល់តម្រងនោគឺជាតិស្ករលើសកម្រិតនេះឯង។
សូមវេជ្ជបណ្ឌិត Dr. Shri Ram Kabra ឯកទេសផ្នែកប្តូរតម្រងនោមបានណែនាំថាអាហារកែច្នៃលើសជាតិស្ករនិងប្រៃដូចជា មីកញ្ចប់ មីកំប៉ុង សាច់កែច្នៃ សាច់ក្រក អាហារស្រាប់ៗ... វាមានផ្ទុកទៅដោយសូដ្យូម និងផូស្វ័ ការទទួលទានអាហារដែលមានជាតិផូស្វ័រខ្ពស់នៅក្នុងអាហារកែច្នៃនាំគ្រោះថ្នាក់ធំដល់តម្រងនោមខ្លាំង”។ យើងឃើញហើយថា អ្នកផុសតាមបណ្តាញសង្គមភាគច្រើនមកបញ្ហាតម្រងនោមក៏ព្រោះតែអាហារបែបខាងលើដែរ។
តាមលោកវេជ្ជបណ្ឌិតលឹម តាំងឡូន ជាវេជ្ជបណ្ឌិតឯកទេសទឹកនោមផ្អែម ក្រពេញនិងអ័រម៉ូន បានលើកឡើងថា ការខ្សោយតម្រងនោមអាចបណ្ដាលមកពីការកើនឡើងជាតិស្ករនៅក្នុងចរន្តឈាម រ៉ាំរ៉ៃយូរអង្វែង ដែលអាចបណ្ដាលឱ្យប្រព័ន្ធច្រោះទឹកនោមនៅក្នុងតម្រងនោមមានការធ្លុះធ្លាយបណ្ដើរៗ អាចឈានទៅដល់ការខ្សោយតម្រងនោមកម្រិតធ្ងន់ធ្ងរ អាចលាងឈាមឬប្តូរក្រលៀនជាដើម។ ផ្អែកតាមការឱ្យដឹងពីMayoclinic បានឱ្យដឹងថា រោគសញ្ញានៃជំងឺតម្រងនោមរ៉ាំរ៉ៃ វាអាចវិវត្តម្ដងបន្តិចៗរហូត ក្លាយជាជំងឺខូចតម្រងនោម។ ការបាត់បង់មុខងារតម្រងនោមអាចបណ្តាលឱ្យមានការប្រមូលផ្តុំសារធាតុរាវ ឬកាកសំណល់ឬជាតិពុលរាងកាយលើសកម្រិតពេក។
ដើម្បីការពារតម្រងនោមលាងជាតិស្ករចេញនោះ អ្នកគួរផឹកកាហ្វេដាក់ស្ករ២០% ឬអត់ដាក់ស្ករ និងកុំជៀសវាងភេសជ្ជៈផ្អែមៗ តាមទីផ្សារ ហើយអ្នកគួរមានលំហាត់ប្រាណជាប្រចាំថ្ងៃ ជាវិធីដ៏ល្អបំផុតមួយក្នុងការគ្រប់គ្រងជំងឺទឹកនោមផ្អែមប្រភេទទី២។ ព្រោះការធ្វើលំហាត់ប្រាណជាសមត្ថភាពរបស់សាច់ដុំក្នុងការប្រើអាំងស៊ុយលីន និងស្រូបយកជាតិស្ករ ហើយជួយបំបាត់ភាពតានតឹងខ្លះពីកោសិកាបង្កើតអាំងស៊ុយលីនរបស់អ្នក។ គ្រាន់តែហាត់ប្រាណ ៣០នាទីក្នុងមួយថ្ងៃអស់ជាតិខ្លាញ់ អស់ជាតិស្ករកែច្នៃ កុំឱ្យអ្នកខូចតម្រងនោម រស់នៅឆ្ងាយពីជំងឺទឹកនោមផ្អែមយ៉ាងល្អបំផុត៕ អត្ថបទដោយ៖ ទ្រ សុភាព