ពេលលំបាកចិត្តព្រោះតែអ្នកអស់ថាមពលផ្លូវចិត្ត និងខ្វះអាហារថាមពលរាងកាយនេះឯង។ ជាពិសេសថាមពលគំនិតជួយឱ្យអ្នកកុំឱ្យស្រ្តេស បាក់ទឹកចិត្ត និងធ្ងន់ផ្លូវចិត្ត។ តាមលោក Viktor frankl ជាអ្នកនិពន្ធ និងជាអ្នកចិត្តសាស្រ្តល្បីលំដាប់អន្តរជាតិបានណែនាំគំនិតទាំង ១០នេះឱ្យផ្លូវចិត្តរបស់អ្នកស្រាលពីបញ្ហាជាប្រចាំថ្ងៃ៖
១. មនុស្សរាល់គ្នាដែលសម្រេចរឿងអ្វីមួយ គឺជាការសម្រេចចិត្តដោយខ្លួនឯង។
២. មនុស្សយើងមានសិទ្ធសេរីភាពក្នុងការជ្រើសរើសអាកប្បកិរិយាក្នុងការឆ្លើយបតទៅលើរឿងអ្វីមួយ។
៣. ការមានកម្លាំងតស៊ូក្នុងជីវិតនេះ អ្នកត្រូវស្វែងរកអត្ថន័យនៃជីវិត វាជាហេតុផលដំបូងរបស់មនុស្សដើម្បីរស់។
៤. រវាងវត្ថុជំរុញ និងការឆ្លើយតប មនុស្សយើងមានសិទ្ធិសេរីភាពក្នុងការជ្រើសរើស។
៥. ការប្រឈមនឹងអត្ថន័យក្នុងដំណើរជីវិត គឺជាការបង្ហាញពីស្ថានការណ៍ក្នុងភាពជាមនុស្ស។
៦. នៅពេលយើងគ្មានលទ្ធភាពក្នុងការផ្លាស់ប្តូរស្ថានភាពទេ យើងត្រូវហ៊ានប្រឈមមុខក្នុងការផ្លាស់ប្តូរខ្លួនឯង។
៧. ពេលខ្លះ គ្រាន់តែនិយយារឿងកម្លែងលេងសើចបន្តិច អាចឱ្យយើងយកឈ្នះរឿងអវិជ្ជមាន និងការព្រួយបារម្មណ៍បានផងដែរ។
៨. មនុស្សយើងមានសិទ្ធធ្វើសកម្មភាពជាអំពើល្អ និងអំពើអាក្រក់ វាជាការសម្រេចចិត្តផ្ទល់ខ្លួន មិនមែនជាការដាក់លក្ខខណ្ឌពីខ្លួនយើងនោះទេ។
៩. មនុស្សដែលអស្ឃឹម និងរងទុក្ខ មកពីជីវិតគ្មានគោលដៅជីវិត។
១០. មនុស្សយើងកើតមកទីនេះ សុទ្ធតែមានទេពកោសល្យ និងបេសកកម្មរៀងៗ ខ្លួន។ នេះជាឱកាសដ៏អស្ចារ្យដែលអ្នកត្រូវធ្វើការអនុវត្តលើកិច្ចការងារក្នុងដំណើរជីវិតរបស់អ្នក ពីព្រោះថា អ្នកមិនអាចកើតមកម្តងទៀតដូចពេលនេះទេ។ គំនិតបណ្ឌិតទាំងពីលោក Viktor frankl៕ អត្ថបទដោយ៖ ទ្រ សុភាព