អ្នកមិនចាំមានចម្ងល់ច្រើនទេ កត្តាភាពធាត់ត្រូវបានផ្សារភ្ជាប់ជាមួយនឹងការកើនឡើងហានិភ័យនៃជំងឺមហារីក ព្រោះតែបរិមាណកាបូអ៊ីដ្រាតច្រើននៅក្នុងរបបអាហាររបស់អ្នក។ ជាទូរទៅមានអាហារបន្ថែមជាតិស្ករដូចជា នំបុ័ងរសជាតិផ្អែម នំលើសជាតិស្ករ បង្អែម និងភេសជ្ជៈផ្អែម អាហារសម្បូរជាតិប្រៃ ខ្លាញ់អាក្រក់ ហើយជាពិសេសគឺស្រាហ្នឹងតែម្តង។ ៣អាហារខាងក្រោមជួយការពារជំងឺមហារីក។
១. អត្ថប្រយោជន៍ញ៉ាំផ្សិត៖ ចំពោះបន្លែផ្សិតនេះវិញអាចយកទៅធ្វើម្ហូបបានស្ទើរតែគ្រប់ទម្រង់ដូចជា យកទៅដាក់ស៊ុប អាំង ឆា ស្លរ…ជាដើម។តាមរយៈគេហទំព័រ Healtline បានចុះផ្សាយថា តាមរយៈការសិក្សានៅក្នុងឆ្នាំ២០១៣ បានរកឃើញថា សារធាតុក្នុងផ្សិត ជួយការពារជំងឺមហារីកសុដន់ នេះដោយសារតែផ្សិតមានសមត្ថភាពជួយពន្យឺតការលូតលាស់របស់ដុំសាច់មហារីក។ បញ្ជាក់មិនមែនមានន័យថាគ្រាន់តែហូបផ្សិតធ្វើឱ្យអ្នកមិនកើតជំងឺមហារីក ឬក៏ធ្វើឱ្យជាជំងឺមហារីកឡើយ។
២.អត្ថប្រយោជន៍ផ្លែចេក៖ គឺជាផ្លែឈើ ដែលងាយស្រួលញុំា ស្រួលទិញ ជាពិសេសចេកមានអត្ថប្រយោជន៍ច្រើនសម្រាប់សុខភាពរបស់អ្នកញុំា ជួយសម្រួលមុខងាររបស់ក្រពះពោះវៀន ឆាប់ឆ្អែតបានយូរ មិនធ្វើឱ្យឡើងគីឡូ ជួយប្រឆាំងអាឡែហ្សី និងជួយដល់សុខភាពរបស់ស្បែក ព្រោះកនុងចេកគឺជាឃ្លាំងនៃវីតាមីន មានដូចជាវីតាមីនអេ បី ស៊ី អឺជាដើម។
៣. អត្ថប្រយោជន៍ទឹកដូង៖ សូម្បីអ្នកជំនាញផ្នែកសុខភាពមានបទពិសោធន៍ ១៥ ជាងឆ្នាំ គឺលោកវេជ្ជបណ្ឌិត Chris Iliades បាននិយាយថា “ការផឹកទឹកដូងចន្លោះ៣ទៅ៥ដងក្នុងមួយអាទិត្យអាចជួយបង្ការកុំឱ្យអ្នកលើសឈាម កាត់បន្ថយហានិភ័យការគាំងបេះដូងនិងជំងឺមហារីក។ សម្រាប់អ្នកហាត់ប្រាណ ទឹកដូងជួយសម្រកទម្ងន់ ពីព្រោះភេសជ្ជៈទឹកដូងនេះមានខ្លាញ់តិច តែផ្តល់ថាមពលច្រើន។ ពីព្រោះថាទឹកដូងមានផ្ទុកសារធាតុរ៉ែ ជាចាំបាច់សម្រាប់ខួរក្បាល និងសាច់ដុំ រួមមានសូដ្យូម ប៉ូតាស្យូម សេលេញ៉ូម និងម៉ាញ៉េស្យូម។ គ្រាន់តែភេសជ្ជៈសាមញ្ញៗ នេះ មានសារសារធាតុទាំងនេះ គ្រាន់់តែជាផ្នែកមួយកាត់បន្ថយជំងឺមហារីក”៕ អត្ថបទដោយ៖ ទ្រ សុភាព