សព្វថ្ងៃនេះស្ត្រីតែងតែជួបបញ្ហាច្រើនជាងបុរស ជាពិសេសជំងឺមហារីកសុដន់ជាជំងឺមួយដែលកោសិកាក្នុងសុដន់លូតលាស់ដោយមិនអាចគ្រប់គ្រងបានឡើយ។ យោងតាមមជ្ឈមណ្ឌលគ្រប់គ្រង និងបង្ការជំងឺរបស់សហរដ្ឋអាមេរិក CDC បានបង្ហាញថា ហានិភ័យជំងឺមហារីកសុដន់កើតឡើងដោយសារកត្តារួមបញ្ចូលគ្នាជាច្រើន។ ក្នុងនោះកត្តាចម្បងមានភាពជាស្ត្រី និងអាយុច្រើន។ មហារីកសុដន់ភាគច្រើនត្រូវបានរកឃើញចំពោះស្ត្រីដែលមានអាយុចាប់ពី ៥០ ឆ្នាំឡើងទៅ។ តាមមន្ទីរពេទ្យកាល់ម៉ែតបានបញ្ជាក់ថា នេះជារោគសញ្ញានៃជំងឺមហារីកសុដន់មាន៖
១- ប្រែប្រួលទំហំ និងទំរង់សុដន់
២- សញ្ញាឈឺសុដន់
៣- ស្បែកសុដន់ប្រែប្រួល ក្រហម ហើម ឬមានលក្ខណៈដូចសំបកក្រូចពោធិសាត់
៤- មានចេញឈាម ឬទឹករងៃពីក្បាលដោះ
៥- មានដុំស្អិតនៅក្នុងសុដន់
៦- ក្បាលសុដន់លឹបចូលក្នុង
៧- មានឡើងហើមកូនកណ្តុរក្រោមក្លៀក
ប្រសិនបើបងប្អូនមានរោគសញ្ញាដូចបានរៀបរាប់ខាងលើ សូមបងប្អូនប្រញាប់មកជួបពិគ្រោះជាមួយគ្រូពេទ្យ ដើម្បីទទួលបានការព្យាបាលទាន់ពេលវេលា និងប្រកបដោយប្រសិទ្ធភាព។ ការព្យាបាលដោយកាំរស្មីជាការប្រើកាំរស្មីថាមពលខ្ពស់ (ស្រដៀងនឹងកាំរស្មីអ៊ិច) ដើម្បីសម្លាប់កោសិកាមហារីក។វេជ្ជបណ្ឌិតទាំងនេះគឺជាអ្នកជំនាញក្នុងការធ្វើរោគវិនិច្ឆ័យបញ្ហាសុដន់តែម្ដង។វេជ្ជបណ្ឌិតមកពីឯកទេសផ្សេងៗគ្នាតែងតែធ្វើការរួមគ្នាដើម្បីព្យាបាលជំងឺមហារីកសុដន់ដើម្បីទទួលបានប្រសិទ្ធភាពកាន់តែល្អ៕ អត្ថបទដោយ៖ ទ្រ សុភាព
