អ្នកចូលចិត្តហូបអាហារប្រៃផ្អែម ផឹកស្រាលើសកម្រិត និងភេសជ្ជៈប៉ូវកម្លាំងរាល់ថ្ងៃពេក ងាយកើតជំងឺទឹកនោមផ្អែមនិងធាត់លឿនណាស់។ បើយោងតាមអង្គការសុខភាពពិភពលោក មានមនុស្សជាង ៤២២លាននាក់កំពុងរស់នៅជាមួយទម្រង់នៃជំងឺទឹកនោមផ្អែម។ មុនកើតជំងឺទឹកនោមផ្អែម អ្នកអាចខូចតម្រងនោមដែលតួនាទីចម្រាញ់ជាតិស្ករចេញសរសៃឈាម។ ៤ទម្លាប់ការពារអ្នកចេញពីជំងឺទឹកនោមផ្អែម។
១. ការធ្វើលំហាត់ប្រាណ៖ ការធ្វើសកម្មភាពរាងកាយជាប្រចាំថ្ងៃ ជាវិធីដ៏ល្អបំផុតមួយក្នុងការការពារ ឬគ្រប់គ្រងជំងឺទឹកនោមផ្អែមប្រភេទទី ២ ព្រោះវាជួយពង្រឹកសុខភាពតម្រងផលិតជាតិស្ករបានល្អចេញពីរាងកាយ។ ការមានទម្លាប់ធ្វើលំហាត់ប្រាណនេះជាសមត្ថភាពរបស់សាច់ដុំក្នុងការប្រើអាំងស៊ុយលីន និងស្រូបយកជាតិស្ករ ហើយជួយបំបាត់ភាពតានតឹងខ្លះពីកោសិកាបង្កើតអាំងស៊ុយលីនរបស់អ្នកផងដែរ។ គ្រាន់តែហាត់ប្រាណ ៣០នាទីក្នុងមួយថ្ងៃអស់ជាតិខ្លាញ់ អស់ជាតិស្ករកែច្នៃ កុំឱ្យអ្នកខូចតម្រងនោម រស់នៅឆ្ងាយពីជំងឺទឹកនោមផ្អែម។
២. ទឹកខ្ញី៖ ទឹកខ្ញីមានអត្ថប្រយោជន៍ដល់តម្រងនោម ស្រូបជាតិស្ករអាក្រក់ហើយកាត់ជាតិខ្លាញ់ ឱ្យអ្នករស់នៅគ្មានជំងឺលាងឈាមជាជំងឺទឹកនោមផ្អែមនោះទេ។ ព្រោះទឹកខ្ញីមានជាតិស័ង្កសីដែលជំរុញនៃអាំងស៊ុយលីន។ លើសពីនេះវាក៏សម្បូរទៅដោយសារធាតុប្រឆាំងអុកស៊ីតកម្ម និងប្រឆាំងនឹងការរលាក។ របៀបធ្វើ៖ មុនដំបូងយើងត្រូវយកដុំខ្ញីមួយដុំយកទៅដាំជាមួយទឹកចំនួន១លីត្រ រួចពេលដែលខ្ញីចាប់ផ្ដើមទន់យើងយកវាទៅច្របាច់ឲ្យចូលជាតិជាមួយទឹកដែលដាំជាមួយវារួចស្រង់យកកាកចេញចាក់ដាក់ចូលកែវសឹមផឹកជាការស្រេច។
៣.កាត់ទម្លាប់ញ៉ាំអាហារកែច្នៃ៖ វេជ្ជបណ្ឌិត Dr. Shri Ram Kabra ឯកទេសផ្នែកប្តូរតម្រងនោមបានណែនាំថាអាហារកែច្នៃដូចជា មីកញ្ចប់ មីកំប៉ុង សាច់កែច្នៃ សាច់ក្រក អាហារស្រាប់ៗ... ផ្ទុកដោយសូដ្យូម និងផូស្វ័ ការទទួលទានអាហារដែលមានជាតិផូស្វ័រខ្ពស់ អាហារកែច្នៃគ្រោះថ្នាក់ធំដល់តម្រងនោមខ្លាំង។ ពេលអ្នកហូបអាហារបន្លែស្រស់ៗ ការរ៉ុត បន្លែពណ៍ខៀវ និងផ្លែឈើដូចជាផ្លែប័រ ផ្លែប៉ុនប៉ោម...នេះជាអាហារមានជាតិស្ករតិចឱ្យតម្រងមានសុវត្ថិភាព។
៤. អ្នកត្រូវជៀសវាងថ្នាំជក់៖ យោងតាមមជ្ឈមណ្ឌលគ្រប់គ្រង និងបង្ការជំងឺ (CDC) ការជក់បារីបង្កើនហានិភ័យនៃការវិវត្តទៅជាជំងឺទឹកនោមផ្អែមពី៣០ទៅ៤០%។ សម្រាប់អ្នកដែលមានជំងឺទឹកនោមផ្អែមរួចហើយ ហានិភ័យខ្លាំងណាស់ សម្រាប់អ្នកជក់បារី។ ដូចនេះ អ្នកគួរជៀសវាង ឬបញ្ឃប់ការជក់បារីនេះ៕ អត្ថបទដោយ៖ ទ្រ សុភាព