វេជ្ជបណ្ឌិតឯកទេសទូទៅរូបនោះបានបន្តទៀតថា សម្រាប់តម្រងនោមនេះមានតួនាទីចម្រោះសារជាតិក្នុងឈាម កម្ចាត់កាកសំណល់គ្រោះថ្នាក់ និងសារធាតុរាវលើសពីតម្រូវការនៅក្នុងប្លោកនោមចេញហើយផលិតអ័រម៉ូនដែលជួយបែងចែកឲ្យចរន្តឈាមរត់សព្វពេញរាងកាយតែម្តង។ អ៊ីចឹងហើយពេលអ្នកខូចតម្រោងនោមគឺអ្នកមានបញ្ហាគ្មានការចម្រោះលាងមិនស្អាតទាំងឈាមនិងកាកសំណល់ផ្សេងៗ ត្រឡប់ចូលមកក្នុងខ្លួន ហើយនៅក្នុងខ្លួនអ្នកកាន់តែកើនជាតិពុលខ្លាំង ហើយចុងក្រោយខូចដល់កោសិកា ជាលិកា និងសរីរៈនៃរាងកាយឱ្យអ្នកឈឺចាប់។
១. ផឹកដាច់ៗ អស់តម្រងនោម៖ តាមវេជ្ជបណ្ឌិតម្នាក់បានលើកឡើងថា មានអ្នកជំងឺលានឈាម៩០%ទាំងប្រុសទាំងស្រីព្រោះតែចូលចិត្តផឹកស្រា(ស្រាបៀច្រើនកំប៉ុង) និងជក់បារីអស់ជាច្រើនឆ្នាំពេក។ ពេលផឹកខ្លាំងពេក ដល់វ័យរាងកាយចុះខ្សោយ ផលជំងឺក៏ហុចឱ្យមានក្រពះ ថ្លើម ក្រលៀន (តម្រងនោម) ក៏ចាប់ផ្ដើមខូចខ្លាំងទៅ។ កុំរវល់ផឹកស្រាពេក ឆ្លៀតហាត់ប្រាណខ្លះផង ដើម្បីប៉ូវសុខតម្រោងនោមមានសុខភាព។
២. ការទប់នោមរយៈពេលយូរ៖ តាមគេហទំព័រ Medicalnewstoday បានបញ្ជាក់ថា អ្នកព្យាយាមទប់ទឹកនោមយូរជាប្រចាំនោះ វានឹងបង្កើនចំនួនបាក់តេរីនៅក្នុងប្លោកនោមច្រើនឡើងខុសពីធម្មតា។ ហើយវាអាចបណ្ដាលឱ្យកើតមានផលវិបាកការឆ្លងមេរោគក្នុងតម្រងនោម និងអាការៈនោមទាស់។ នេះជាបញ្ហាធំហើយ។ បើអ្នកឈឺនោម ឆាប់នោមឱ្យលឿន។
៣.បញ្ឈប់ទម្លាប់ញ៉ាំអាហារប្រៃ៖ អាហារដែលមានរសជាតិប្រៃ និងអាហារកែច្នៃ ជាប្រភេទអាហារដែលប៉ះពាល់ដល់សម្ពាធឈាម អាចបណ្តាលឱ្យកើតជំងឺបេះដូង សួតផងដែរ។ ជាពិសេសគឺក្រលៀនឬភាសាពេទ្យហៅថាតម្រងនោម ការបន្តញ៉ាំអាហារប្រៃយូរៗទៅវាធ្វើឱ្យកម្រិតប៉ូតាស្យូមក្នុងរាងកាយកើនឡើង នាំឱ្យសម្ពាធឈាមឡើងខ្ពស់ បណ្តាលឱ្យបាត់បង់សមត្ថភាពរបស់ក្រលៀន និងបណ្តាលឱ្យខូចក្រលៀនផងដែរ។