តម្រងនោម និងថ្លើមធ្វើការឥតឈប់ឈរនោះទេ វាមានតួនាទីចម្រោះ និងដកជាតិពុល ឱ្យរាងកាយយើងរឹងមាំ ទៅថ្ងៃអនាគតកុំឱ្យឈឺច្រើន។ បើតម្រងនោម និងថ្លើមគ្មានសមត្ថភាពបន្សាបជាតិពុលទេ ថ្ងៃអនាគតរបស់អ្នកច្បាស់ជាលាងឈាមរាល់សប្តាហ៍ រាល់ខែមិនខានទេ លាងឈាមម្តងៗ អស់លុយច្រើនណាស់។ ខាងក្រោមនេះជា ៤ទម្លាប់បន្សាបជាតិពុលក្នុងតម្រងនោម និងថ្លើម។
១. ផឹកទឹកក្រូចឆ្មាក្តៅ៖ បើអ្នកមានបញ្ហាក្រពះ កុំផឹកទឹកក្រូចឆ្មាពេលព្រឹក អ្នកគួរហូបទឹកធម្មតាក៏ល្អដល់តម្រងនោមដែរ។ នៅពេលព្រឹកអ្នកផឹកទឹកក្រូចឆ្មាក្តៅតិចៗ ជួយបន្សាបជាតិពុលចេញពីតម្រងនោមបានល្អបំផុត។ ព្រោះក្រូចឆ្មាសម្បូរវីតាមីនC មានសារធាតុប្រឆាំងអុកស៊ីតកម្ម កម្ចាត់ជាតិពុល និងបង្រឹងមុខងារតម្រងនោមមាំណាស់។
២. ទម្លាប់ងូតពេលព្រឹក៖ ការងូតទឹកពេលព្រឹកមិនត្រឹមតែដាស់ស្មារតីឱ្យអ្នកស្វាងពីងងុយគេងនោះទេ គឺជួយរាងកាយរបស់អ្នកកម្ចាត់ជាតិពុលថែមទៀត។ ការងូតទឹកអាចជម្រុញប្រព័ន្ធឡាំហ្វាទិចដែលមានសារៈសំខាន់សម្រាប់ការដកជាតិពុលចេញពីរាងកាយ។ ហើយវាជួយជម្រុះកោសិកាស្បែកដែលងាប់ ធ្វើឱ្យចរន្តឈាមដើរល្អពេញរាងកាយទៅកាន់ខួរក្បាល និងបន្សាបជាតិពុលតាមធម្មជាតិរបស់រាងកាយយ៉ាងអស្ចារ្យផងដែរ។
៣. ប្រើកាយពង្រឹងតម្រងនោម៖ អ្នកហាត់ប្រាណមួយថ្ងៃហាត់ ៣០នាទី មុខជាតម្រងនោមគ្មានជំងឺដាច់ខាត។ តាមលោកគ្រូ ត្រឹង ចាន់ ជាគ្រូហាត់ប្រាណច្រើនឆ្នាំបាននិយាយថា សុខភាពតម្រងនោមយើងមានសុខភាពល្អ ពេលយើងព្យាយាមក្រោកពេលព្រឹកហាត់ប្រាណ ជាពេលដុតជាតិខ្លាញ់ កម្ចាត់ជាតិពុលចេញតម្រងនោមបានល្អបំផុត។ កុំឱ្យថ្ងៃអនាគតតម្រងនោមរបស់អ្នកឈឺ សល់លុយច្រើនមិនទៅលាងឈាម។ ហាត់ប្រាណល្អដល់តម្រងនោម។
៤. កាត់ទម្លាប់ញ៉ាំអាហារកែច្នៃ៖ វេជ្ជបណ្ឌិត Dr. Shri Ram Kabra ឯកទេសផ្នែកប្តូរតម្រងនោមបានណែនាំថាអាហារកែច្នៃដូចជា មីកញ្ចប់ មីកំប៉ុង សាច់កែច្នៃ សាច់ក្រក អាហារស្រាប់ៗ... ផ្ទុកដោយសូដ្យូម និងផូស្វ័ ការទទួលទានអាហារដែលមានជាតិផូស្វ័រខ្ពស់ អាហារកែច្នៃគ្រោះថ្នាក់ធំដល់តម្រងនោមខ្លាំង។ ពេលអ្នកហូបអាហារបន្លែស្រស់ៗ ការរ៉ុត បន្លែពណ៍ខៀវ និងផ្លែឈើដូចជាផ្លែប័រ ផ្លែប៉ុនប៉ោម...នេះជាអាហារមានជាតិស្ករតិចឱ្យតម្រងមានសុវត្ថិភាព៕ អត្ថបទដោយ៖ ទ្រ សុភាព