ដូច្នេះបើអ្នកមិនចង់ឱ្យស្បូន និងក្រលៀនខូចបន្តិចម្ដងៗទេគួរចៀសវាជាដាច់ខានចំពោះអាហារទាំងនេះ៖

 ១. អាហារប្រៃ៖ សម្រាប់អ្នកដែលចូលចិត្តញុំាប្រៃប្រយ័ត្នផង ព្រោះអាហារដែលមានរសជាតិប្រៃខ្លាំងត្រូវបានគេចាត់ទុកថាជាអាហារដែលមានគ្រោះថ្នាក់បំផុតដល់ក្រលៀន បើអ្នកញុំាប្រៃខ្លាំងពេកយូរទៅវាធ្វើឱ្យក្រលៀនចាប់ផ្ដើមចុះខ្សោយបន្តិចម្ដងៗ។ លើសពីនេះការញុំាប្រៃជារៀងរាល់ថ្ងៃក៏ធ្វើឱ្យជាតិទឹកក្នុងរាយមិនមានតុល្យភាព អាចធ្វើឱ្យសម្ពាធឈាមលើស ហើយក៏អាចប៉ះពាល់ដល់បេះដូងដែរ។ ដូច្នេះប្រសិនបើអ្នកចង់ឱ្យក្រលៀននៅល្អ គួរតែចៀសអាហារប្រៃ ឬកាត់បន្ថយអំបិលនៅពេលចម្អិនអាហារ។

2. អាហារកែច្នៃ៖ អាហារវេចខ្ចប់ដូចជាមីកំប៉ុង សាច់កំប៉ុង សាច់ក្រក ឬស្ពៃកំប៉ុង ទាំងអស់នេះសុទ្ធសឹងតែជាអាហារដែលត្រូវបានគេបន្ថែមគ្រឿងដើម្បីរក្សារសជាតិ និងអាយុកាលរបស់វា ហើយគ្រឿងបន្ថែមទាំងនោះគឺសុទ្ធមិនល្អសម្រាប់សុខភាពឡើយ។ ដូច្នេះ ជាតិស្ករ អំបិល និងសារធាតុខ្លាញ់អាក្រក់ទាំងនោះនឹងប៉ះពាល់ដល់ប្រព័ន្ធរំលាយអាហារ និងអ័រម៉ូនរបស់ស្ត្រី។ មានមនុស្សស្រីជាច្រើនដែលចូលចិត្តញុំាអាហារបែបនេះជាញឹកញាប់ ហើយដឹងទេថាវាមានហានិភ័យខ្ពស់នៃការរលាកស្បូន ដុះដុំសាច់ ឬឈឺពោះផ្នែកក្រោម។

3. ការមិនផឹកទឹកគ្រប់គ្រាន់៖ ទោះបីទឹកមិនមែនជាប្រភេទអាហារ ប៉ុន្តែការផឹកទឹកមិនគ្រប់គ្រាន់ត្រូវបានគេចាត់ចូលថាជាមូលហេតុចម្បងមួយដែលធ្វើឱ្យខូចក្រលៀនទាំងវ័យក្មេង។ ការមិនផឹកទឹកគ្រប់គ្រាន់ធ្វើឱ្យតម្រងនោមធ្វើការខ្លាំង អាចបណ្តាលឱ្យមានការរលាក ឬធ្វើឱ្យមានគ្រួសក្នុងតម្រងនោម។ ដូច្នេះអ្នកគួរបង្កើតទម្លាប់ផឹកទឹកឱ្យបានទៀងទាត់ជារៀងរាល់ថ្ងៃ យ៉ាងហោចណាស់ ២.៥ ទៅ ៣ លីត្រ ឬឱ្យបាន ៨ កែវក្នុងមួយថ្ងៃ។ ទឹកមិនត្រឹមជួយក្រលៀនទេ ប៉ុន្តែជួយឱ្យស្បែកស្អាត និងធ្វើឱ្យប្រព័ន្ធរំលាយអាហារធ្វើការល្អផងដែរ។

សរុបមក បើអ្នកចង់រក្សាសុខភាពស្បូន និងក្រលៀនឱ្យរឹងមាំយូរអង្វែង អ្នកគួរតែចាប់ផ្តើមពីរបបអាហារដូចជា កាត់បន្ថយអាហារប្រៃ ជៀសវាងអាហារកែច្នៃ ផឹកទឹកឱ្យបានគ្រប់គ្រាន់។ ត្រូវចាំថា “អាហារមិនមែនគ្រាន់តែសម្រាប់បំប៉នខ្លួនទេ តែវាអាចក្លាយជាថ្នាំព្យាបាល ហើយក៏អាចក្លាយជាថ្នាំពុលបំផ្លាញខ្លួនយើងដែរ៕