អាហារពេលព្រឹកសំខាន់សម្រាប់សុខភាពណាស់។ បើអ្នកលើសគីឡូ ឬធាត់នោះ អ្នកហូបអាហារសម្បូរជាតិស្ករ និងខ្លាញ់ វាធ្វើឱ្យអ្នកលលើសឡើងគីឡូថែមទៀត។ គ្រាន់តែញ៉ាំផ្លែឈើ ១មុខនេះ ពេលព្រឹកមួយណាក៏បានដែរ ដឹងតែអ្នកស្រកក្បាលពោះមិនខានទេ។ តើមានផ្លែឈើអ្វីខ្លះ?
មានដឹងអត់ថាផ្លែប័រក៏មានប្រយោជន៍សម្រាប់ជួយអ្នកសម្រកគីឡូ ជួយការពារស្រ្តេស និងការពារសរសៃឈាមខួរក្បាល(ហូបផ្លែប័រប៉ូវសរសៃឈាមខួរក្បាលគិតបានល្អ កាត់បន្ថយស្រ្តេស ភាពតានតឹង)។ របបអាហារសម្រាប់អ្នកសម្រកគីឡូ គេមិនអាចរំលងផ្លែប័របានទេ។ តាមគេហទំព័រសុខភាពអន្តរជាតិ Healthline បានបញ្ជាក់ថា តាមរយៈការសិក្សាបានសង្កេតឃើញថា អ្នកញ៉ាំផ្លែប័រពេលព្រឹក ១ក្នុង១ថ្ងៃសម្រាប់រយៈពេល៦ខែជាប់គ្នា គឺជួយសម្រកក្បាលពោះ និងរក្សាបាននូវគីឡូថេរ។
អ្នកញ៉ាំផ្លែប័រមួយថ្ងៃមួយផ្លែ កម្ចាត់ជាតិពុលក្នុងសរសៃឈាម ស្រូបជាតិខ្លាញ់ឱ្យស្រកក្បាលពោះ និងជួយកាត់បន្ថយជាតិខ្លាញ់ក្នុងសរសៃឈាមខួរក្បាល។ យោងតាមការសិក្សាឆ្នាំ 2020 នៅក្នុង International Journal of Psychology ផ្លែប័រមានផ្ទុកសារធាតុ lutein ដែលឆ្លងកាត់របាំងឈាម និងខួរក្បាល ហើយអាចធ្វើឱ្យមុខងារនៃការយល់ដឹងកាន់តែប្រសើរឡើង ជំនួយដល់ខួរក្បាល បង្កើនការចងចាំ។ ដូច្នេះ បើអ្នកសម្រកខ្លាញ់ក្បាលពោះតឹងណែនល្អ អ្នកគួរបន្ថែមទម្លាប់លំហាត់ប្រាណ ហូបស៊ុត និងគេងឱ្យបានគ្រប់គ្រាន់ផងដែរ៕ អត្ថបទដោយ៖ ទ្រ សុភាព