បុរសមានវ័យច្រើនតែងមានអារម្មណ៍ថា រាងកាយរបស់គាត់ខ្សោយ គ្មានចំណង់ និងខ្សោយលិង្គ ធ្វើឱ្យខាងដៃគូឬប្រពន្ធ ស្មុគស្មាញក្នុងពេលរួមភេទម្តងៗ ផងដែរ។ ព្រោះផ្លូវភេទជារឿងមួយនៃសុភមង្គលក្នុងគ្រួសារ។ បើអ្នកមានបញ្ហាបែបនេះ តើអ្នកគួរធ្វើបែបណា? តាមវេជ្ជបណ្ឌិត Tra Anh Duy ជាអ្នកជំនាញខាងបន្តពូជបានលើកឡើងថា បុរសគួរញ៉ាំអាហារមួយមុខនេះ ល្អដល់សុខភាពផ្លូវភេទ ជួយដាស់អារម្មណ៍ ល្អដល់លំហូរឈាម គឺខ្ទឹមសនេះឯង។
តាមលោកវេជ្ជបណ្ឌិត Duy បានលើកឡើងបន្តថា ខ្ទឹមសមានផ្ទុកសារធាតុសកម្មមួយហៅថា allicin ដែលមានឥទ្ធិពលធ្វើឱ្យសរសៃឈាមរីកធំ ហូរឈាមស្រួលទៅកាន់លិង្គ។ វាជួយបង្កើនសមត្ថភាពលិង្គឡើងរឹងដោយពឹងផ្អែកទៅលើលំហូរឈាមទៅកាន់ corpora cavernosa ដើម្បីពង្រឹងលិង្គឱ្យរឹង។ នៅឆ្នាំ២០២៤ តាមការសិក្សា International Journal of Impotence Research បានរកឃើញថា ការផ្សំទឹកខ្ទឹមជាមួយថ្នាំ tadalafil (ថ្នាំងាប់លិង្គ) ធ្វើឱ្យអ្នកមានបញ្ហាលិង្គមានកម្លាំងលិង្គឡើងវិញ ហើយបន្តរួមភេទបានយូរនាំឱ្យដៃគូពេញចិត្តជាងមុន។
នៅក្នុងការពិសោធន៍លើសត្វកណ្ដុរឱ្យហូបខ្ទឹមស គេកត់សម្គាល់ឃើញថា ខ្ជឹមសជួយបង្កើនចំនួនមេជីវិតឈ្មោល និងចលនាមេជីវិតបានល្អ។ ហើយខ្ទឹមសជួយការពារជាលិកាពងស្វាសពីការខូចខាតអុកស៊ីតកម្ម និងធ្វើឱ្យប្រសើរឡើងក្នុងការមានកូនផងដែរ។ ទោះជាយ៉ាងណាក៏ដោយ ការញ៉ាំខ្ទឹមសច្រើនពេកក្នុងមួយថ្ងៃនោះ បែបជាកាត់បន្ថយអ័រម៉ូន Testosterone និងសម្លាប់មេជីវិតឈ្មោលក្នុងករណីខ្លះថែមទៀត។
អ្នកគួរហូបខ្ទឹមសលាយជាមួយអាហារផ្សេងៗ ជាការល្អ។ ការហូបខ្ទឹមសក្នុងបរិមាណ ៣ទៅ៧កំពឹសបានហើយ ឬហូបត្រឹមតែបាយឆ្ងាញ់។ បើអ្នកហូបខ្ទឹមសនេះ ក៏មើលលើរាងកាយអ្នកទទួលយកដែរ។ បើអ្នកហូបច្រើនជ្រុលរាល់ថ្ងៃនោះ វាបែបជាមានបញ្ហាដល់តម្រងនោម និងដល់ក្រពះ។ បើអ្នកកំពុងតែប្រើថ្នាំលើសឈាម និងថ្នាំព្យាបាលជំងឺណាមួយនោះ មុនញ៉ាំខ្ទឹមសនោះ អ្នកគួសួរពេទ្យជាមុន កុំឱ្យមានប្រតិកម្មជាមួយថ្នាំ។ មួយទៀតកុំបរិភោគខ្ទឹមសឆៅច្រើនពេក ជាពិសេសពេលពោះទទេ៕ អត្ថបទដោយ៖ ទ្រ សុភាព