មានបុរសអាយុ ៤៥ឆ្នាំម្នាក់នៅវៀតណាម បានធ្វើលំហាត់ប្រាណក្នុងកម្រិតខ្លាំង រួមទាំងរត់ ជិះកង់ និងលេងដុំដែកលើកគីឡូធ្ងន់ៗ ជាប្រចាំថ្ងៃដើម្បីពង្រឹងរាងកាយឡើងវិញ ប៉ុន្តែបែបជាធ្វើឱ្យសុខភាពរាងកាយគាត់ចុះខ្សោយ និងសុខភាពផ្លូវភេទរបស់គាត់កាន់តែធ្លាក់ចុះយ៉ាងខ្លាំងគឺខ្សោយចំណងរួមភេទតែម្តង។ តាមលោកវេជ្ជបណ្ឌិត Tra Anh Duy ជាអ្នកជំនាញផ្លូវភេទបានលើកឡើងថា អ្នកមានអាយុរាងច្រើន ហើយបង្ខំធ្វើលំហាត់ប្រាណខ្លាំងពេក មិនត្រឹមតែបង្កបញ្ហាដល់រាងកាយទេ វាប៉ះពាល់ដល់អ័រម៉ូនតេស្តូស្តេរ៉ូនជាអរម៉ូនមេជីវិតចុះខ្សោយផងដែរ។
យោងតាមការសិក្សាបានចេញផ្សាយនៅក្នុង Journal of Endocrinology ថា ការធ្វើលំហាត់ប្រាណច្រើនហួសប្រមាណបានជះឥទ្ធិពលអវិជ្ជមានដល់សុខភាព ជាពិសេសបណ្តាលឱ្យងាប់លិង្គ និងការថយចុះចំណង់ផ្លូវភេទ”។ នៅពេលធ្វើលំហាត់ប្រាណច្រើនពេក រាងកាយមិនអាចគ្រប់គ្រាន់ផលិតអរម៉ូនបាន នាំឱ្យកើនឡើងនូវសារធាតុ cortisol គឺអរម៉ូនស្រ្តេស។ នេះបណ្តាលឱ្យមានផលវិបាកសុខភាពជាច្រើនជាពិសេសការថយចុះនៃអ័រម៉ូនតេស្តូស្តេរ៉ូនឬមេជីវិតថយចុះជាប្រចាំថ្ងៃ។
វេជ្ជបណ្ឌិត Duy បានបន្ថែមថា ចូរធ្វើលំហាត់ប្រាណឱ្យសមស្របនឹងស្ថានភាពសុខភាពរបស់អ្នកជាពិសេសបុរសដែលមានអាយុលើសពី ៤០ឆ្នាំត្រូវយកចិត្តទុកដាក់កុំធ្វើលំហាត់ប្រាណខ្លាំងពេក។ មានន័យថា ចូរធ្វើលំហាត់ប្រាណតាមសម្រួលមួយៗ ព្រោះរាងកាយមនុស្សយើងមិនអាចបង្ខំឱ្យរឹងមាំរយៈពេលខ្លីទេ។ ហើយត្រូវគេង និងហូបបន្លែ ផ្លែឈើឱ្យបានគ្រប់គ្រាន់ ទើបរាងកាយ និងលិង្គមានសុខភាពល្អឡើងវិញ។ លើសពីនេះ អ្នកចាំបាច់ត្រូវកាត់បន្ថយភាពតានតឹង កុំឱ្យបង្កបញ្ហាដល់អរម៉ូនមេជីវិត។
ដូច្នេះ! ចូរអ្នកហាត់ប្រាណពីក្មេង ហើយបន្តហាត់ជាប្រចាំថ្ងៃនោះ សុភាពរាងកាយ និងលិង្គរបស់អ្នកកាន់រឹងមាំ។ មិនងាយចុះខ្សោយដូចជាហាត់ប្រាណពេលអាយុច្រើននោះទេ។ មានរឿងមួយទៀត កុំហាត់ប្រាណគ្មានគ្រូ វាធ្វើឱ្យហាត់ប្រាណក្បួន ខុសសុខភាព ឬមានបញ្ហារាងកាយផងដែរ។ បើអ្នកហាត់ប្រាណហើយ មានអារម្មណ៍មិនស្រួលក្នុងខ្លួនទេ អ្នកគួរតែទៅជួបគ្រូពេទ្យដើម្បីពិនិត្យសុខភាព និងស្តាប់តាមការណែនាំគ្រូពេទ្យ ទើបហាត់ប្រាណទទួលបានផលល្អដល់សុខភាព៕ អត្ថបទដោយ៖ទ្រ សុភាព