ការផឹកទឹកក្តៅឧណ្ហៗ មួយកែវពេលព្រឹកជួយបញ្ចេញជាតិពុលគេចពីគ្រោះថ្នាក់លើសជាតិអាស៊ីត និងបង្កជំងឺច្រើនមុខ។ ហើយការផឹកទឹកក្តៅនេះ ជួយក្រពះពោះវៀន និងជម្រុញដល់ប្រព័ន្ធរំលាយអាហារបានល្អណាស់។ ជាពិសេសផឹកក្តៅឧណ្ហៗ មានអត្ថប្រយោជន៍ ៣យ៉ាងនេះ៖
១. ទឹកក្តៅឧណ្ហៗ មានគុណសម្បត្តិជួយលាងជាតិពុលក្នុងខ្លួន និងស្បែកឱ្យអ្នកមានសុខភាព។ អ្នកនិយមផឹកទឹក្តៅតិចៗ ពេលព្រឹកជួយពន្យាភាពចាស់បានល្អបំផុត។ យោងតាម healthline បានចុះផ្សាយថា ពេលអ្នកផឹកទឹកក្តៅឧណ្ហៗជារឿងសំណាងមួយរបស់មនុស្សស្រី និងមនុស្សប្រុសឱ្យសម្រស់កម្រចាស់។ ពេលជាតិពុលក្នុងរាងកាយអ្នកចេញកាន់តែច្រើន ភាពចាស់លើស្បែករបស់អ្នកក៏កាត់បន្ថយដែរហើយមានអារម្មណ៍ស្រួលខ្លួនថែមទៀត។ តាមគេហទំព័រសុខភាព Svalbard បញ្ជាក់ថាផឹកទឹកក្តៅឧណ្ហៗ ជួយបន្សាបជាតិពុលក្នុងរាងកាយឱ្យស្បែកមានសុខភាព និងសម្រស់ក្មេងជាងវ័យ។
២. ផឹកទឹកក្តៅតិចៗ ពេលព្រឹក ជួយពង្រឹងសុខភាពតម្រងនោម និងថ្លើមបានល្អបំផុត។ មកពីទឹកក្តៅមួយកែវមានអត្ថប្រយោជន៍ជួយលាងជាតិពុលចេញពីតម្រងនោម និងថ្លើមញញឹមស្រស់ពេលមានថ្លើមមានសុខភាពល្អ។ តាមវេជ្ជបណ្ឌិត Kerry Willis មានប្រសាសន៍ថា ការផឹកទឹកឱ្យបានគ្រប់គ្រាន់ក្នុងមួយថ្ងៃជាមធ្យោបាយដ៏មានប្រសិទ្ធភាពកាត់បន្ថយហានិភ័យគ្រួសក្នុងតម្រងនោមបានដល់ទៅពាក់កណ្តាលឯណោះ។ ការផឹកទឹកច្រើនពេលព្រឹកក៏ជាយុទ្ធសាស្ត្រលាងជាតិពុលចេញពីថ្លើមនិងតម្រងនោមឱ្យមានសុខភាពល្អ។
ដូច្នេះ! បើអ្នកព្យាយាមធ្វើលំហាត់ប្រាណនោះ តម្រងនោមរបស់អ្នកកាន់តែមានសុខភាព ថ្លើមអ្នកកាន់តែញញឹម។ ព្រោះការធ្វើលំហាត់ប្រាណជាប្រចាំថ្ងៃមានអត្ថប្រយោជន៍លាងជាតិពុលចេញពីថ្លើម និងពង្រឹងមុខងារតម្រងនោម។ ហើយអ្នកគួរបន្ថែមទម្លាប់ល្អៗ មួយចំនួនទៀតដែរដូចជាគេងឱ្យបានគ្រប់គ្រាន់ និងពិនិត្យសុខភាពពីថ្លើម ពីតម្រងនោម ដើម្បីការពារបញ្ហាទុកជាមុនផងដែរ៕ អត្ថបទដោយ៖ ទ្រ សុភាព