- សារាយសមុទ្រ៖  សារាយសមុទ្រ ជាអំណោយដ៏អស្ចារ្យពីមហាសមុទ្រ វាជាគ្រឿងផ្សំសំខាន់មួយនៃម្ហូបរបស់ប្រជាជនជប៉ុន។ ព្រោះវាជួយធ្វើឱ្យម្ហូបមានរសជាតិឆ្ងាញ់ ព្រមទាំងផ្តល់សារធាតុចិញ្ចឹមច្រើនដូចជា សារធាតុរ៉ែ អ៊ីយ៉ូត និងសារធាតុប្រឆាំងអុកស៊ីតកម្ម។ ស្ត្រីជនជាតិជប៉ុនជាច្រើនចូលចិត្តញ៉ាំវាជាប្រចាំដោយបន្ថែមវាក្នុងស៊ុបមីសូ សាឡាត់ ឬជាមួយបាយ។ ពួកគេមិនញ៉ាំវាច្រើនពេកទេ ប៉ុន្តែញ៉ាំវាទៀងទាត់ជារៀងរាល់ថ្ងៃ នោះហើយជាគន្លឹះនៃការថែរក្សាសម្រស់ឱ្យក្មេងជាងវ័យនៅជប៉ុន។ លើសពីនេះ សារាយសមុទ្រក៏ជួយសម្អាតរាងកាយបានយ៉ាងល្អ ជួយដល់ប្រព័ន្ធរំលាយអាហារ និងបង្កើនអារម្មណ៍ឆ្អែតយូរដោយមិនធ្វើឱ្យធ្ងន់ក្រពះ។ 

- ដំឡូងជ្វាពណ៌ស្វាយ៖ ដំឡូងជ្វាពណ៌ស្វាយគឺជាអាហារធម្មជាតិដែលមានប្រយោជន៍យ៉ាងខ្លាំង ហើយត្រូវបានគេចាត់ទុកថាជា “អាថ៌កំបាំងនៃអាយុវែង” នៅប្រទេសជប៉ុន។ ជាពិសេស នៅតំបន់អូគីណាវ៉ា ដែលជាតំបន់មានមនុស្សអាយុលើស 100 ឆ្នាំច្រើនបំផុតក្នុងពិភពលោក ដំឡូងជ្វាពណ៌ស្វាយគឺជាផ្នែកសំខាន់នៃរបបអាហារប្រពៃណី។ វាមានរសជាតិផ្អែមស្រាល ទន់ ហើយសម្បូរទៅដោយជាតិសរសៃដែលជួយសម្រួលដល់ការរំលាយអាហារ រក្សាលំនឹងជាតិស្ករក្នុងឈាម និងជួយបង្កើនថាមពល។

ពណ៌ស្វាយរបស់វាក៏មានសារធាតុ anthocyanin ដែលជាសារធាតុប្រឆាំងអុកស៊ីតកម្ម ដ៏មានប្រយោជន៍សម្រាប់ស្បែក និងបេះដូង។ ស្ត្រីជនជាតិជប៉ុនចូលចិត្តចំហុយ ឬដុតដំឡូងជ្វាពណ៌ស្វាយញ៉ាំជាមួយអាហារពេលព្រឹក ឬជាអាហារសម្រន់។ ការញ៉ាំវាពី ១ ទៅ ២ ដងក្នុងមួយសប្តាហ៍ គឺគ្រប់គ្រាន់ដើម្បីផ្តល់សារធាតុចិញ្ចឹមដល់រាងកាយ ដោយមិនបណ្តាលឱ្យឡើងទម្ងន់ឡើយ។ 

- ស្ពៃក្តោបពណ៌ស៖ ស្ពៃក្តោបពណ៌ស ឬរ៉ាឌីស ជាបន្លែឬសដែលស្ត្រីជប៉ុនចូលចិត្តខ្លាំងបំផុត។ វាត្រូវបានប្រើក្នុងស៊ុប ម្ហូបស្ងោរ ឬត្រាំជាគ្រឿងជ្រលក់។ បន្លែនេះមានលក្ខណៈត្រជាក់ ជួយសម្រួលប្រព័ន្ធរំលាយអាហារ កាត់បន្ថយអារម្មណ៍ធ្ងន់ ក្រោយបរិភោគអាហារមានខ្លាញ់ ហើយជួយឱ្យរាងកាយមានអារម្មណ៍ធូរស្រាល។ ក្រៅពីនេះ ស្ពៃក្តោបពណ៌សក៏សម្បូរទៅដោយវីតាមីន C និងអង់ស៊ីមធម្មជាតិ ដែលជួយបំបាត់សារធាតុពុលក្នុងរាងកាយ និងបន្ថយការចាស់នៃកោសិកាផងដែរ។ ការញ៉ាំវាជាប្រចាំជួយឱ្យស្បែកភ្លឺថ្លា មានសភាពទន់ល្អ និងមើលទៅក្មេងជាងវ័យ៕

អត្ថបទដោយ៖ សារួ