មានសុភាសិតក្រិចបានលើកឡើថា “ជំងឺចូលតាមមាត់”។ ចង់បញ្ជាក់ថា សុខភាពល្អឬមិនល្អអាស្រ័យលើអាហារអ្នកហូបជាប្រចាំថ្ងៃនេះឯង។ បើអ្ននកហូបអាហារប្រៃផ្អែមលើសដែនកំណត់ មិនយូរទេ! ផលតបស្នងវាសងត្រឡប់មកវិញគឺខូចតម្រង បញ្ហាធាត់ និងបញ្ហាលើសឈាម។ ថ្ងៃនេះ យើងលើកពីបញ្ហាអាហារ ៥នេះជាហេតុនាំឱ្យខូចតម្រងនោម។
១. សម្រាប់អាហារកំប៉ុងភាគច្រើនមានផ្ទុកសម្បូរទៅដោយជាតិសូដ្យូម ព្រោះតែវាមានបរិមាណច្រើននៃជាតិអំបិលនៅក្នុងគ្រឿងកំប៉ុង អ្នកមានជំងឺតម្រងនោមហូបក្នុងកម្រិតមួយតិច ឬជៀសវាងក៏បានដែរ។ ការហូបអាហារមានជាតិប្រៃ និងអាហារកែច្នៃ ជាប្រភេទអាហារដែលប៉ះពាល់ដល់សម្ពាធឈាម និងបញ្ហាបេះដូង។ ជាពិសេសគឺប៉ះពាល់ដល់ក្រលៀនឬភាសាពេទ្យហៅថាតម្រងនោម ការបន្តញ៉ាំអាហារប្រៃយូរៗទៅវាធ្វើឱ្យកម្រិតប៉ូតាស្យូមក្នុងរាងកាយកើនឡើងនាំឱ្យសម្ពាធឈាមឡើងខ្ពស់ បណ្តាលឱ្យបាត់បង់សមត្ថភាពរបស់ក្រលៀន និងបណ្តាលឱ្យខូចក្រលៀនលឿន។
២. អ្នកហូបអាហារមានរសជាតិផ្អែមៗ វាជាការចូលរួមចំណែកបង្កដល់ការលើសគីឡូនាំឱ្យកើតទឹកនោមផ្អែមហើយជំងឺមួយនេះជាកត្តានាំឱ្យកើតមានជំងឺតម្រងនោម។ ដូច្នេះហើយ សូមអ្នកចៀសវាងភេសជ្ជៈផ្អែមៗ ឬអាហារមានជាតិផ្អែមៗ លើសកម្រិត កុំឱ្យខូចតម្រងនោមទាន់ ចូរហូបអាហារឬភេសជ្ជៈមានផ្អែមក្នុងកម្រិតតិចបានហើយ។
៣. ការញ៉ាំទឹកចិត្តក៏ជាបញ្ហាដល់តម្រងនោមដែរ។ ព្រោះតម្រងនោមក៏ដូចជាផ្នែកផ្សេងរបស់រាងកាយដែរ។ វាត្រូវការជាតិទឹកឱ្យបានគ្រប់គ្រាន់ដើម្បីរក្សាបាននូវសុខភាពរឹងមាំឱ្យដំណើរការមុខងារតម្រងនោម។ បើអ្នកញ៉ាំទឹកតិចជាប្រចាំថ្ងៃ នាំឱ្យលំហូរឈាមតិចទៅតម្រងនោម។ ជាលទ្ធផលឈាមនឹងប្រែជាខាប់បង្កផលប៉ះពាល់តម្រងនោមក្នុងការកម្ចាត់ជាតិពុលចេញពីរាងកាយ។ គ្រាន់តែញ៉ាំទឹកជាទូទៅ ៣ទៅ៤លីត្រជួយសុខភាពតម្រងនោមរបស់អ្នកនឹងល្អប្រសើរ។
៤. ចំពោះការជក់បារីក៏ជាហេតុមួយបង្កបញ្ហាដល់តម្រងនោម និងសួតយ៉ាងខ្លាំង។ ព្រោះតែការជក់បារីអាចបង្កជំងឺលើសសម្ពាធឈាមដែលបណ្ដាលឱ្យមានការកាត់បន្ថយលំហូរឈាមទៅកាន់តម្រងនោមកាន់តែតិចទៅៗ។ ការកាត់ការជក់បារី នាំសុខភាពតម្រងនោមនិងសួតរបស់អ្នកចាប់ផ្តើមល្អឡើងវិញដែរ។
៥. ចំពោះផ្លែក្រូចវិញ ចំពោះអ្នកមានបញ្ហាតម្រងនោម ហាមកុំឱ្យហូប។ ព្រោះផ្លែក្រូចមិនត្រឹមតែមានកាឡូរីទាបទេ វាមានសម្បូរទៅដោយវីតាមីនស៊ី ថែមទាំងមានជាតិប៉ូតាស្យូមច្រើន។ ជាមធ្យមផ្លែក្រូចមួយមានប៉ូតាស្យូម ២៤០មីលីក្រាម។ អ្នកមានជំងឺតម្រងនោមមិនអាចកំចាត់នូវប៉ូតាស្យូមដែលលើសក្នុងឈាមបានទេ វាបង្កបញ្ហាដល់សុខភាព៕ អត្ថបទដោយ៖ ទ្រ សុភាព