ពេលព្រឹកអ្នកផឹកកាហ្វេដាក់ស្ករ១០០% ថែមបាយស្រូបមួយចាន និងចេកចៀនលាងមាត់នោះ ធ្វើឱ្យអ្នកកាន់តែធាត់លើសដើម។ ហើយអាហារថ្ងៃត្រង់អ្នកហូបចូលចិត្តអាហារមានរសជាតិប្រៃផ្អែមគឺគ្មានថ្ងៃស្រកគីឡូនោះទេ។ បើអ្នកចង់សម្រកគីឡូ ឬស្រកក្បាលនោះ គ្រាន់តែហូបផ្លែឈើទាំង ៥នេះដឹងតែបានផលមិនខានទេ។
១. ហូបផ្លែប័រពេលព្រឹកមានគុណប្រយោជន៍សម្រកគីឡូបានលឿនណាស់។ ព្រោះវាមានផ្ទុកសម្បូរទៅដោយជាតិខ្លាញ់ល្អ monounsaturated មានជាតិប្រូតេអ៊ីន ជាតិសរសៃ និងសារធាតុចិញ្ចឹមជាច្រើនជួយអ្នកសម្រកគីឡូបានឆាប់បំផុត។ ផ្លែប័រក៏ជាប្រភពនៃអាស៊ីតខ្លាញ់ oleic ជួយធ្វើឱ្យអ្នកឆាប់ឆ្អែត និងឆ្អែតបានយូរផងដែរ។
២. ពេលព្រឹកអ្នកហូបផ្លែល្ហុងមានប្រសិទ្ធភាពខ្ពស់ជួយកម្ចាត់ជាតិខ្លាញ់ក្បាលពោះ។ ព្រោះផ្លែល្ហុងមានជាតិសសៃខ្ពស់ជួយសម្រួលដល់ប្រព័ន្ធរំលាយអាហារ ជួយបណ្តេញជាតិពុលចេញពីថ្លើម និងសម្អាតពោះវៀន។ ហើយផ្លែល្ហុងមានសមត្ថភាពស្រូបយកជាតិប្រូតេអ៊ីនល្អៗ ពីសាច់សត្វ និងសាច់ត្រី ហើយជួយរំលាយជាតិខ្លាញ់ក្នុងរាងកាយ។
៣. ហូបផ្លែដេញខ្លាញ់ឱ្យអ្នកឆាប់ស្រកក្បាលពោះ។ បើយោងតាមគេហទំព័រ Netlife បានចុះផ្សាយថា បើអ្នកចង់សម្រកគីឡូឱ្យបានលឿន ការញ៉ាំផ្លែចេកត្រូវបានគេចាត់ទុកថាជាឱសថមានប្រសិទ្ធភាពនាំមានសុខភាពល្អ។ គ្រាន់តែអ្នកបរិភោគចេកស្រស់១ឬ២ផ្លែនៅពេលព្រឹកហូបជាមួយទឹកក្ដៅ អ្នកអាចស្រក ១គីឡូក្រាមក្នុងសប្ដាហ៍ទីមួយ។
៤. ផ្លែក្រូចមិនត្រឹមតែសម្បូរវីតាមីនC ប៉ុណ្ណោះទេ មានផ្ទុកសារធាតុ hesperidin ជាសារជាតិ flavonoid ជួយកែលម្អមុខងារសរសៃឈាមឱ្យដើរស្រួល។ ជាពិសេសចំពោះមនុស្សវ័យកណ្តាលការពារកុំឱ្យមានជំងឺបេះដូង ការពារកុំឱ្យអ្នកឡើងគីឡូផងដែរ។ បើអ្នកមានបញ្ហាក្រពះពោះវៀន កុំផ្លែក្រូចមិនល្អដល់សុខភាពទេ។
៥. លោក Christensen ជាអ្នកឯកទេសខាងចំណីអាហារបានឱ្យដឹងថា ដំឡូងជ្វាគឺ មានផ្ទុកសារធាតុខារ៉ូទីនច្រើនបំផុតជួយទប់ស្កាត់ការឡើងគីឡូ និងប្រឆាំងភាពចាស់នៃស្បែករបស់អ្នក ព្រោះមានវាផ្ទុកវីតាមីនអា វីតាមីនសេ ដែលបានដើរតួនាទីយ៉ាងសំខាន់ក្នុងការការពារស្បែកកុំឱ្យចាស់។ ដំឡូងជ្វាមានកាឡូរីទាបជាងបាយស ដូចនេះការបរិភោគដំឡូងជ្វានៅពេលព្រឹក គឺផ្ដល់គុណប្រយោជន៍ការសម្រកជាតិខ្លាញ់ក្បាលពោះ៕ អត្ថបទដោយ៖ ទ្រ សុភាព