១. ប្រូតេអ៊ីនប៉ូវសុខភាពកុមា៖ កុមារខ្វះជាតិប្រូតេអ៊ីនក្នុងខ្លួន ធ្វើឱ្យមានការអភិវឌ្ឍន៍រាងកាយយឺត មានបញ្ហាសាច់ដុំ ប្រព័ន្ធភាពស៊ាំចុះខ្សោយ ប៉ះពាល់ដល់ស្បែក ភ្នែក និងអារម្មណ៍។ ឪពុកម្តាយចូរផ្តល់អាហារដែលមានជាតិប្រូតេអ៊ីនដល់កូន ដើម្បីឆ្អឹតឆាប់លូត ពង្រឹងសាច់ដុំ និងខួរក្បាលល្អ រៀនពូកែ។ មានអាហារដូចជាឈីស សណ្តែកសៀង សាច់គោ ត្រី និងទឹកដោះគោ...ជាអាហារប៉ូវខួរក្បាល។

២. ខ្លាញ់ល្អកូនលូតលាស់ល្អ៖ ខ្លាញ់ត្រូវបានប្រើប្រាស់ដោយរាងកាយដើម្បីចាប់យកវីតាមីនA, D, E និង K ។ ចំពោះខ្លាញ់ Polyunsaturated និង monounsaturated fats មានសារៈសំខាន់ណាស់សម្រាប់អភិវឌ្ឍខួរក្បាលកុមារឱ្យរៀនពូកែ។ ពេលកុមារខ្វះជាតិខ្លាញ់ល្អ រាងកាយមិនអាចស្រូបយកជាតិវីតាមីនគ្រប់គ្រាន់ឡើយ នាំឱ្យខួរក្បាលមិនងាយចងចាំ និងប៉ះពាល់ដល់ភ្នែក ឆ្អឹងលូតយឺត និងរបួសកម្រជាថែមទៀត។

៣. កាល់ស្យូម៖ ​មាន​តួនាទី​សំខាន់សម្រាប់កុមារ​ក្នុង​ការ​អភិវឌ្ឍខួរក្បាល និងពង្រឹង​ឆ្អឹង។ ឪពុកម្តាយឱ្យកូនញ៉ាំអាហារផ្លែក្រូច សណ្តែក គ្រាប់អាល់ម៉ុន ត្រី និងផឹកទឹកគោ ព្រោះវាសម្បូរសារធាតុល្អៗ ដូចជា កាល់ស្យូម ជាតិដែក ស័ង្កសី ម៉ាញេស្យូម វីតាមីនC ជួយពង្រឹងប្រព័ន្ធរាងកាយ កែលម្អសុខភាពពោះវៀន និងពង្រឹង IQ កុមារបានល្អផងដែរ។

៤. វីតាមីនA៖ វីតាមីនA មិន​ត្រឹម​តែ​ល្អ​សម្រាប់​ភ្នែក​រសប់កុមារនោះទេ វាជួយ​រក្សា​មុខងារ​ខួរក្បាលពូកែចងចាំ និងខួរក្បាលរីករាយ។ ហើយវីតាមីន A ជួយបង្កើនកម្លាំងឆ្អឹង និងធ្មេញដល់កុមារឱ្យរឹងមាំ។ ពេលកុមារញ៉ាំដំឡូងជ្វា ថ្លើមសាច់គោ ស្ពៃខ្មៅ ការ៉ុត ស្វាយ និងស៊ុតដើម្បីបង្កើនវីតាមីន A ចូលក្នុងឆ្អឹង និងខួរក្បាល។

ដូច្នេះហើយ! ឪពុកម្តាយគួរបញ្ចូលទម្លាប់បន្ថែមឱ្យកូនរបស់ខ្លួន ឱ្យគេងបាន ៨ម៉ោងជាងជារៀងរាល់យប់ ហើយគេងមុនម៉ោង១០ យប់ជាតម្រូវការសម្រាប់កុមារលូតលាស់ឆ្អឹង និងពូកែចងចាំបានលឿន។ ហើយឱ្យកូនចូលរួមក្នុងកីឡាដូចជា ហែលទឹក បាល់បោះ លោតខ្សែ វាយសី ហែលទឹក... ជារៀងរាល់ថ្ងៃរយៈពេលត្រឹម ៣០ទៅ៦០នាទីដើម្បីពង្រឹងឆ្អឹងរឹងមាំ និងសុខភាពខួរក្បាល៕ អត្ថបទដោយ៖ ទ្រ សុភាព