តាមលោកវេជ្ជបណ្ឌិត Kathryn A. Boling ជាអ្នកផ្តល់សេវាថែទាំបឋមនៅ Mercy Personal Physicians មានប្រសាសន៍ថា​ "បើមានអ្នកជំងឺលើសជាតិស្ករក្នុងឈាមនោះ ខ្ញុំសុំអ្នកបន្ទាប់ពីហូបអាហាររួច ដើម្បីឱ្យសាច់ដុំរបស់អ្នកមានដំណើរការបញ្ចុះជាតិស្ករក្នុងឈាម។ ពីព្រោះថា ការធ្វើលំហាត់ប្រាណជាប្រចាំថ្ងៃជួយទាញជាតិស្ករចេញពីចរន្តឈាម និងចូលទៅក្នុងសាច់ដុំ។ វាធ្វើឱ្យជាតិស្ករក្នុងឈាមរបស់អ្នកមានការថយចុះកាន់តែតិចទៅ។ ហើយអ្នកជំងឺច្បាស់ជាអាចគ្រប់គ្រងលើជំងឺនេះបានល្អឡើងវិញ។” ការលំហាត់ប្រាណជួយស្រូបជាតិស្ករក្នុងឈាមមានប្រសិទ្ធភាពបើធ្វើតាមការណែនាំនេះ។

បើអ្នកមានបញ្ហាជំងឺបេះដូងនោះ គ្រាន់តែភ័យជួបរឿងអ្វីមួយនឹកស្មានមិនដល់នោះ អ្នកងាយគាំងបេះដូងណាស់។ ជំងឺគាំងបេះដូងមួយនេះ ជាបុព្វហេតុចម្បងមួយ​ដែលមនុស្សស្លាប់អស់រាប់ម៉ឺននាក់នៅអាមេរិក។ការធ្វើលំហាត់ប្រាណមិនត្រឹមតែជួយការពារអ្នកពីជំងឺបេះដូងប៉ុណ្ណោះទេ ប៉ុន្តែវាក៏អាចផ្លាស់ប្តូររបៀបដែលបេះដូងរបស់អ្នកមានដំណើរការល្អប្រសើរជាងមុន។ ការធ្វើលំហាត់ប្រាណត្រឹមតែ ២០ នាទីក្នុងមួយថ្ងៃ វាធ្វើឱ្យបេះដូងរបស់អ្នកមានការផលិតឈាមបានល្អដែរ។

បញ្ហាផ្លូវចិត្តដំបូងកើតពីស្រ្តេស និងភាពតានតឹង។ គ្រាន់តែចំណាយពេលធ្វើលំហាត់ប្រាណបញ្ហានេះក៏បាត់ដែរ។ តាមការសិក្សាបង្ហាញថា ការធ្វើលំហាត់ប្រាណអាចព្យាបាលជំងឺធ្លាក់ទឹកចិត្តពីកម្រិតស្រាលទៅមធ្យមបានយ៉ាងមានប្រសិទ្ធភាពដូចថ្នាំប្រឆាំងនឹងជំងឺធ្លាក់ទឹកចិត្តចឹងដែរ។ តាមការសិក្សាមួយទៀត នៅសាលាសុខភាពសាធារណៈ Harvard TH Chan បានរកឃើញថា ការរត់រយៈពេល ១៥ នាទីក្នុងមួយថ្ងៃ ឬដើររយៈពេលមួយម៉ោង ជួយកាត់បន្ថយហានិភ័យនៃជំងឺធ្លាក់ទឹកចិត្តបាន ២៦% ឯណោះ។ ព្រោះវាបញ្ចេញសារធាតុ Endorphins ដែលជាសារធាតុគីមីដ៏មានឥទ្ធិពលនៅក្នុងខួរក្បាល ដើម្បីផ្តល់ថាមពលដល់វិញ្ញាណ និងធ្វើឱ្យមានអារម្មណ៍ល្អផងដែរ៕ អត្ថបទដោយ៖ ទ្រ សុភាព