១-ការផ្ដល់ឱកាស(បើកចំហ)៖ តាមអ្នកស្រី Roni Reichbard មានអាយុ៤៧ឆ្នាំ បាននិយាយថា គ្រួសារនៅក្នុងប្រទេសអ៊ីស្រាអែលតែងតែបើកចំហ(ផ្ដល់ឱកាស)សម្រាប់កូនណាស់កែខ្លួនឬមានទំនួលខុសដោយខ្លួនឯង(គេបង្រៀនកូនឱ្យចេះធ្វើជាម្ចាស់លើជីវិតដោយខ្លួនពីតូចឱ្យហើយ)។ បើនិយាយទៅជនជាតិអ៊ីស្រាអែលត្រូវបានគេទទួលស្គាល់ថាជាមនុស្សចេញក្រៅដោយសេរីភាព និងមានភាពកក់ក្ដៅខ្លាំង។ វាគឺជារឿងពិត ហើយជនជាតិអ៊ីស្រាអែលមិនប្រើនៅការប្រៀនប្រដៅកូនដោយភាពឃោរឃៅនោះទេវាប៉ះពាល់បញ្ញានិងផ្លូវចិត្តរបស់កូនពេលធំឡើង។ ដូចនេះហើយគ្រួសាររបស់អ្នកស្រីចឹង គ្រួសាររបស់អ្នកស្រីតែងផ្ដល់ការគោរពរច្រើនចំពោះកូនៗ បើទោះបីជាពួកគេនៅក្មេងក្ដី។ លើសពីនេះទៅទៀត ក្នុងនាមយើងជាឪពុកម្ដាយគេ យើងត្រូវកត់សម្គាល់នូវអ្វីដែលកូនៗកំពុងគិត និងអ្វីដែលកូនៗចង់បាន។

២.អនុញ្ញាតឱ្យពួកគេធ្វើការងារខ្លះ៖ ឪពុកម្តាយមិនតិចទេដែលទំនងជាទម្រើសកូន និងផ្តល់នូវរង្វង់ឱ្យកូនមានសុខហួសហេតុពេក ជាហេតុនាំឱ្យកូនមានទម្លាប់ទម្រើសពីណែនាំអប់រំជាដើម។ ដូច្នេះក៏អនុញ្ញាតឱ្យពួកគេធ្វើការងារនិងស្គាល់អំពីតម្លៃនៃការងារនោះនៅពេលពួកគេធំឡើងនិងធ្វើឱ្យពួកតស៊ូនិងឱ្យតម្លៃលើការងារ​ដែលពួកគេកំពុងធ្វើរហូតក្លាយជាបុគ្គលឆ្នើម។ បើអ្នកមិនបង្រៀនកូនឱ្យស្រឡាញ់ការងារទេ ខ្លាចកូននឿយហត់នោះ ពេលក្រោយផ្លូវចិត្តរបស់ឪពុកម្តាយច្បាស់ជានឿយហត់ជាងនេះទៅទៀត។ ការបង្រៀនកូនឱ្យធ្វើការតូចៗ ដើម្បីឱ្យពួកគេចេះបែងចែកការងារឱ្យមានប្រសិទ្ធិភាពពីតូច។ ព្រោះភាពឆ្លាតវៃរបស់កូនៗ ក៏ចេញពីអ្នកឪពុកម្តាយបង្រៀនឱ្យធ្វើការងារ និងផ្តល់ជំនួយណែនាំជាគំនិត ឬបង្រៀនជាគំរូបន្ថែមនេះឯង។ និយាយឱ្យខ្លីថា ការងារជាបញ្ញាបង្រៀនមនុស្សឱ្យចេះ។

៣. សុខភាពផ្លូវចិត្ត៖ ឪពុកម្ដាយត្រូវយកចិត្តទុកដាក់ទៅលើសុខភាពផ្លូវចិត្ត និងសុខភាពរាងកាយរបស់កូនៗ នៅក្នុងនោះដែរ មានរបាយការណ៍មួយបានលើកឡើងថា ការនាំកូនហាត់ប្រាណនឹងធ្វើឱ្យសុខភាពរាងកាយ និងសុខភាពផ្លូវចិត្តរបស់ពួកគេមានភាពប្រសើរឡើង។ បន្ទាប់ពីធ្វើលំហាត់ប្រាណរួចឪពុកម្ដាយត្រូវតែរៀបចំនូវចំណីអាហារដូចជា ផ្លែឈើ ទឹក ទឹកដោះគោ និងអាហារសុខភាពនានាផ្ដល់ដល់កូន ដើម្បីឱ្យកូនៗទទួលបាននូវថាមពើរាងកាយពេញលេញ ចៀសឆ្ងាយពីជំងឺនានា។ នេះជាតាមសម្តីរបស់អ្នកនិពន្ធ Christine Bennett ។ អាហារល្អនិងលំហាត់ប្រាណប៉ូវសុខភាពកូនអ្នករឹងមាំហើយផ្លូវចិត្តតាន់ផងដែរ៕ អត្ថបទដោយ៖ ទ្រ សុភាព