ពាក្យសម្ដីរបស់ឪពុកម្តាយពិតជាមានឥទ្ធិពលលើកូនណាស់។ សម្តីនេះអាចជាថ្នាំទិព្វសម្រាប់លើកទឹកចិត្ត និងបំផ្លាញទំនុកចិត្តកូនថែមទៀត។ ខាងក្រោមនេះជាពាក្យសម្តីទាំង៥ របស់ឪពុកម្តាយ កុំនិយាយដាក់កូន៖
១/. កុំនិយាយថា ហេតុអ្វីកូនឯងមិនពូកែដូចជាគេ?៖ ការប្រៀបធៀបកូនខ្លួនឯងទៅនឹងកូនអ្នកដទៃ មិនមែនជាការជំរុញឱ្យកូនខំប្រឹងទេ វាជាការបំបាក់ស្មារតី និងទឹកចិត្តកូនទៅវិញទេ។ វាធ្វើឱ្យកុមារមានអារម្មណ៍ថាខ្លួនអន់គ្មានតម្លៃ ហើយពេលធំឡើង សូម្បីតែសមត្ថភាពក៏ចុះខ្សោយដែរ។
២/. កុំនិយាយថា កូនឯងធ្វើអីក៏មិនកើត ឬមួយកូនឯងក៏ល្ងង់!៖ ពេលកូនធ្វើខុស ហើយឪពុកម្តាយប្រើពាក្យស្ដីបន្ទោសទៅលើបុគ្គលិកលក្ខណៈដូចជា ល្ងង់, អន់, ខ្ជិល ជំនួសឱ្យការកែតម្រូវសកម្មភាព ធ្វើឱ្យកូនជឿថាខ្លួនគេពិតជាគ្មានកំណើតមែន។ អារម្មណ៍ ចំពោះផលអវិជ្ជមាន កូននឹងឈប់ព្យាយាមធ្វើរឿងថ្មីៗ ព្រោះខ្លាចខុស និងខ្លាចត្រូវគេមើលងាយ។
៣/.កុំនិយាយថា បើមិនស្ដាប់បង្គាប់ ម៉ែ/ពុក នឹងឈប់ស្រឡាញ់ហើយ!៖ ការយកក្ដីស្រឡាញ់មកធ្វើជាលក្ខខណ្ឌ ដើម្បីបង្ខំឱ្យកូនស្ដាប់បង្គាប់ ជាកំហុសធ្ងន់ធ្ងរ។ កូនត្រូវការអារម្មណ៍សុវត្ថិភាពពីឪពុកម្ដាយបំផុត។ បើអ្នកនិយាយពាក្យនេះដាក់កូនញឹក នឹងធ្វើឲ្យកុមារធំធាត់ឡើងដោយផ្សារភ្ជាប់ជាមួយអារម្មណ៍មិនសុវត្ថិភាព និងពិបាកក្នុងការបង្កើតទំនាក់ទំនងជាមួយគ្រួសារថែមទៀត។
៤/.កុំនិយាយថា កុំចេះដឹងរឿងចាស់ទុំ!៖ នៅពេលកូនសួរ ឬព្យាយាមបញ្ចេញមតិ ហើយត្រូវបានកាត់ផ្ដាច់ដោយពាក្យនេះ វានឹងបង្រៀនឱ្យកូនក្លាយជាមនុស្សដែលមិនហ៊ានតវ៉ា ធ្វើឱ្យកូនខ្សោយការនិយាយពេលធំឡើងផងដែរ។
៥/. កុំនិយាយថា ឱ្យតែបានដូចចិត្តឯងម្ដងទៅ!៖ ការនិយាយពាក្យនេះបង្ហាញពីការលែងចង់អប់រំ ឬការចុះចាញ់ចំពោះទង្វើមិនល្អរបស់កូន។ វាកូននឹងយល់ថាគេអាចធ្វើអ្វីតាមចិត្តបានទាំងអស់ ដោយមិនខ្វល់ពីវិន័យ ដែលនាំឱ្យក្លាយជាមនុស្សពិបាកគ្រប់គ្រងក្នុងសង្គម៕
« អប់រំកូនឱ្យខ្លាំង ជាធនធានរបស់កម្ពុជា ជាស្នាមញញឹមរបស់ឪពុកម្ដាយ » សៀវភៅ១ក្បាលនេះនិងចេញលក់នៅ ចុងខែ ៧នេះ។ សម្រាប់ការកក់ទុកនឹងទទួលបានតម្លៃពិសេស និងការចូលរួមកម្មវិធីសិក្ខាសាលា « ចិត្តសាស្ត្រ ចិញ្ចឹមកូន » ដោយឥតគិតថ្លៃ ទំនាក់ទំនងកក់តាម ឬសាកសួរលម្អិតតាម https://t.me/BusinessCambodiaBook
