កីឡាករ Ayase Ueda ជាខ្សែប្រយុទ្ធឆ្នើមសញ្ជាតិជប៉ុន ដែលបច្ចុប្បន្នកំពុងប្រកបអាជីពនៅអឺរ៉ុបជាមួយក្លិប Feyenoord នៅក្នុងលីគកំពូលហូឡង់។ រូបគេត្រូវបានគេស្គាល់ថាជាខ្សែប្រយុទ្ធដែលមានបច្ចេកទេសស៊ុតបញ្ចូលទីល្អបំផុត និងជាសសរស្តម្ភសំខាន់សម្រាប់ក្រុមជម្រើសជាតិជប៉ុនផងដែរ។ ហើយកីឡាកររូបនេះក៏មានឱកាសដ៏ល្អក្នុងការផ្លាស់ទៅ Premier League នៅក្នុងទីផ្សារដោះដូរកីឡាករក្នុងរដូវក្តៅឆ្នាំ ២០២៦ដែរ។
នៅក្នុងវ័យ ២៧ ឆ្នាំកីឡាករ Ueda កំពុងតែឡើងជើងល្អក្នុងអាជីពបាល់ទាត់។ គាត់បាននាំមុខគេក្នុងបញ្ជីអ្នកស៊ុតបញ្ចូលទីច្រើនជាងគេនៅ Eredivisie ដោយរកបាន ២៥គ្រាប់ក្នុង ២៩ ប្រកួត។ នៅថ្ងៃទី ២៥ ខែមេសានេះ គាត់បន្តលេចធ្លោដោយស៊ុតបញ្ចូលទីបានពីរគ្រាប់ ជួយឱ្យក្លិប Feyenoord យកឈ្នះក្លឹប Groningen ៣-១។
កត្តាធ្វើឱ្យកីឡាករខ្សែប្រយុទ្ធរូបនេះឡើងជើងខ្លាំងនៅរដូវកាល២០២៥ និង២០២៦នេះ ដោយស៊ុតបញ្ចូលទីបាន 26 គ្រាប់ក្នុង 38 ប្រកួតនៅទូទាំងការប្រកួតទាំងអស់ជាការពង្រឹងឋានៈរបស់គាត់ជាខ្សែប្រយុទ្ធលំដាប់កំពូល។ ធ្វើឱ្យក្លឹបមួយចំនួនដូចជា Tottenham, ក្លឹប Brighton, Everton និងក្លឹប Leeds United សុទ្ធតែចង់បានកីឡាករនេះ។ នេះជាលទ្ធផលខ្លះ របស់កីឡាករ Ueda ៖
១. នៅវគ្គជម្រុះ World Cup ២០២៦ កីឡាករ Ueda បានស៊ុតបាន Hat-trick (៣ គ្រាប់ក្នុងមួយប្រកួត) ក្នុងការប្រកួតយកឈ្នះមីយ៉ាន់ម៉ា ៥-០។
២. Asian Cup 2023 កីឡាកររូបនេះ រកបានគ្រាប់បាល់ចំនួន៤ ជូនក្រុមជម្រើសជាតិជប៉ុន។
៣. នៅវគ្គជម្រុះ World Cup ២០២៦ កីឡាកររូបនេះបានបង្ហាញទម្រង់លេងយ៉ាងមុតស្រួចដោយស៊ុតបញ្ចូលទីបានរហូតដល់ ៨ គ្រាប់ផងដែរ។