គំនិតលោកវេជ្ជបណ្ឌិតបានប្រាប់យើងថា ការរស់នៅខ្វះលំហាត់ប្រាណ បញ្ហាសុខភាពដំបូងគេគឺបញ្ហាធាត់ជាសញ្ញាប្រាប់អ្នកថា អ្នកហូបអាហារច្រើន តែរាងកាយអ្នកប្រើមិនអស់នៅសល់ខ្លាញ់។ បើអ្នកបណ្តោយយូររស់ក្នុងទម្លាប់បែបនេះ អ្នកនឹងរស់ក្នុងជំងឺទឹកនោមផ្អែមជាមិនខានទេ ព្រោះតែឈាមរបស់អ្នកលាយបញ្ចេលដោយជាតិស្ករទៅហើយ។ ហើយអ្នកក៏បាត់បង់អុកស៊ីហ្សែននៅក្នុងសរសៃឈាមដែរ។ វាតម្រូវឱ្យអ្នកប្តូរឈាមមួយខែឬមួយសប្តាហ៍ម្តង វាពិតជាត្រូវការចំណាយលុយហូរដូចជាទឹកអ៊ីដែរ។ នេះគ្រាន់តែជំងឺទឹកនោមផ្អែមតែមួយទេ។

អ្នកអាចធ្វើក្រុមលំហាត់ប្រាណលើកដុំដែក ទាញ លោត​ ដើម្បីយកសាច់ដុំ ព្រោះការធ្វើលំហាត់ប្រាណនេះធ្វើឱ្យអ្នកប្រើកម្លាំងខ្លាំងក្នុងរយៈពេលខ្លី ដើម្បីជម្រុញរាងកាយមានសមត្ថភាពធ្វើឱ្យអុកស៊ីហ្សែនមានកាន់តែប្រសើរឡើងនៅក្នុងសួត និងល្អសម្រាប់តម្រងនោមក្នុងការប្រើសមត្ថភាពច្រោះចោលនូវកាកសំណល់មិនល្អក្នុងសរីរាង្គ។ ហើយជាតិស្ករក៏រត់ចេញពីឈាមរបស់អ្នកដែរ។ អ្នកឃើញទេ! គ្រាន់តែចំណាយពេល ២០ទៅ៤០នាទីដើម្បីហាត់ប្រាណ អ្នកក៏រស់នៅឆ្ងាយពីជំងឺទឹកនោមផ្អែម ជំងឺលើសឈាម និងបញ្ហាធាត់ដែរ។ ហាត់ប្រាណដើម្បីសុខភាពឱ្យអ្នករស់នៅអាយុវែង៕ អត្ថបទដោយ៖ ទ្រ សុភាព