មនុស្សធាត់ព្រោះតែទម្លាប់ វាមានឥទ្ធិពលរហូតដល់ ៨០%ឯណោះ វាមានកត្តាអាហារខ្លាញ់ ការគេងមិនលក់ និងការហាត់ប្រាណ។ បើអ្នកគ្មានទម្លាប់ទាំងនេះ អ្នកងាយធាត់ណាស់។ ពេលអ្នកមានទម្លាប់ល្អជួយដុតជាតិខ្លាញ់របស់អ្នកបានលឿន។ នៅខាងក្រោមនេះ ជាទម្លាប់ចំនួន ៣ដើម្បីដុតជាតិខ្លាញ់បានលឿន។
១. អាហារពេលព្រឹក៖ បើអ្នកចង់សម្រកគីឡូ ការហូបអាហារពេលព្រឹកគឺល្អសម្រាប់សុខភាព។ អ្នកគួរជ្រើសរើសអាហារពេលព្រឹកណាដែលមានប្រូតេអ៊ីនខ្ពស់ និងជីវជាតិច្រើនដូចជាពងទា ត្រី ផ្លែប៉ោម និងទឹកដោះគោជាដើម។ ចំពោះរបបអាហារប្រូតេអ៊ីនខ្ពស់នែបនេះ វានឹងបង្កើនការរំលាយអាហារ និងជួយឱ្យរាងកាយរបស់អ្នកដុតកាឡូរីបានពេញមួយថ្ងៃ។ មិនតែប៉ុណ្ណោះ វាក៏អាចជួយបង្កើនសាច់ដុំបានល្អហើយអ្នកមានអារម្មណ៍ថា អាហារនេះហូបឆ្អែតបានយូរ និងកាត់បន្ថយការឃ្លានទៀតផង។
២. ទម្លាប់មិនធ្វើលំហាត់ប្រាណ៖ ការហូបអាហារមិនត្រឹមត្រូវហើយគ្មានលំហាត់ប្រាណទៀត វាធ្វើឱ្យអ្នកឆាប់ឡើងគីឡូលឿននិងឆាប់ចាស់មែនទែន។ ពេលអ្នកហាត់ប្រាណជាប្រចាំជួយសុខភាពអ្នកច្រើនដូចជាចង្វាក់បេះដូង និងសរសៃឈាម ហើយការពារឡើងទម្ងន់ឬជម្រះជាតិខ្លាញ់ចេញពីក្បាលរបស់អ្នកផងដែរ។ តាមលោកស្រី Ellen Marmur ជាគ្រូពេទ្យជំនាញខាងសើរស្បែកបានបញ្ជាក់ថា ការធ្វើលំហាត់ប្រាណមិនត្រឹមតែជួយសរសៃឈាមបេះដូងប៉ុណ្ណោះទេ វាជួយលាងជាតិពុលដើម្បីជម្រុញឱ្យឈាមរត់ស្រួលក្នុងការថែរក្សាស្បែកឱ្យមើលទៅមានសភាពស្រស់ថ្លាក្មេងជាងវ័យផងដែរ។ ហើយការធ្វើលំហាត់ប្រាណជាប្រចាំថ្ងៃជាគន្លឹះមួយធ្វើឱ្យស្បែកមានសុខភាពល្អឱ្យអ្នកអាយុវែងថែមទៀត។
៣. គេងក្នុងបរិយាកាសត្រជាក់ល្មមឱ្យស្រកគីឡូ៖ តាមអ្នកជំនាញនិយាយថា សីតណ្ហភាពក្នុងបន្ទប់គេង ដែលត្រជាក់ល្មមជួយជម្រុញដល់រាងកាយដើម្បីដុតរំលាយជាតិខ្លាញ់បានល្អ។ គ្រាន់តែអ្នកបើកសីតុណ្ហភាពត្រឹម ១៨អង្សាសេ គឺល្អល្មមសម្រាប់ការបំផ្លាញជាតិធាត់ ហើយអ្នកនឹងមានអារម្មណ៍ថា អ្នកនឹងមានរាងសមសួនជាងមុន នៅពេលអ្នកធ្វើតាមទម្លាប់នេះ៕ អត្ថបទដោយ៖ ទ្រ សុភាព