បើអ្នករវល់នឹងកិច្ចការជាច្រើន អ្នកត្រូវការបង្កើតទម្លាប់សាមញ្ញជាលំហាត់ប្រាណផ្ទាល់ខ្លួនជួយអ្នកឱ្យមានសុខភាពល្អ និងរកស៊ីឬធ្វើការ មិនឈឺច្រើន។ ពេលអ្នកឈឺច្រើន អ្នកចាយលុយក៏អស់ច្រើនដែរ។ ទម្លាប់ទាំងបីនេះ ជួយអ្នកឱ្យរកស៊ីកាន់តែមានបាន និងមានសុខភាពរឹងមាំ។
តាមគេហទំព័រ Oberlo បានសរសេរថា “ការជឿទុកចិត្តលើខ្លួនឯង ជាការចាប់ផ្តើមធ្វើលំហាត់ប្រាណពេលព្រឹក វាធ្វើឱ្យអ្នកបង្កើតថាមពលកាន់តែប្រសើរ និងល្អជាងការផឹកការហ្វេរមួយកែវពេលព្រឹកផងដែរ។” The Founder Institute បានសរសេរថា “យោងតាមការសិក្សាពីលំហាត់ប្រាណ អ្នកត្រូវចំណាយពេល ២ ខែ ដើម្បីបង្កើតទម្លាប់មួយ នាំឱ្យអ្នកមានសុខភាពល្អ មានអារម្មណ៍ស្រស់ស្រាយ ឱ្យអ្នកធ្វើការមានលទ្ធផល។
នៅតាមការសិក្សាស្រាវជ្រាវពីជនជាតិជប៉ុននៅកោះ Okinawa មិនមែនជាមនុស្សធ្វើលំហាត់ប្រាណខ្លាំងទេ តែជាមនុស្សមានភាពសកម្មនឹងការរស់នៅប្រចាំថ្ងៃ។ សូម្បីលោក Donald Trump ជាមនុស្សមិនចូលចិត្តធ្វើលំហាត់ប្រាណ តែគាត់ជាសហគ្រិនដែលមានសុខភាពល្អ មកពីគាត់មានភាពសកម្មនឹងកាងារជាប់ជាប្រចាំ។
មានអ្នករកស៊ីជោគជ័យ ជោគជ័យទាំងសុខភាពទាំងមានលុយផងដែរ។ បើអ្នកសកម្មនឹងការងារឱ្យអស់ពីសមត្ថភាពរយៈពេល ១២ ម៉ោងក្នុងមួយថ្ងៃជាប្រចាំ វានឹងជះឥទ្ធិពលវិជ្ជមានដល់អនាគតរបស់អ្នក។ តាមលោក Travis Johnson សហស្ថាបនិកនៃ Food Junky បាននិយាយថា “ ការធ្វើលំហាត់ប្រាណមិនគួរពិបាកក្នុងការបំពេញតាមកាលវិភាគរបស់អ្នកនោះទេ។” ពីព្រោះលោករវល់ការងារ តែលោកតែងឆ្លៀតពេលវេលាខ្លះ ដើម្បីធ្វើលំហាត់ប្រាណ មិនមែនកំណត់តាមកាលវិភាគ ឬម៉ោងនោះទេគឺការឆ្លៀតពេលហាត់ដើម្បីសុខភាព។
ពីព្រោះការធ្វើលំហាត់ប្រាណជួយបញ្ចេញអរម៉ូន endorphins នាំឱ្យអ្នកមានអារម្មណ៍ល្អ គ្មានតានតឹង និងមានអត្ថប្រយោជន៍សម្រាប់សហគ្រិនចំពោះការងារយ៉ាងល្អ។ សូម្បីលោក Scott Cullather នាយកប្រតិបត្តិក្រុមហ៊ុន InVNT បានបាននិយាយថា “ពេលវេលាហាត់ប្រាណរបស់ខ្ញុំ ជាពេលវេលាដ៏ល្អបំផុត។ វាពិតជាអស្ចារ្យ ដែលធ្វើឱ្យខ្ញុំមានគំនិតច្នៃប្រឌិត និងធ្វើឱ្យរាងកាយរបស់ខ្ញុំ សូទ្រាំនឹងការងារ ១៨ ទៅ ២០ ម៉ោងក្នុងមួយថ្ងៃ។
ពេលអ្នកមានអារម្មណ៍តានតឹង និងគិតអ្វីមិនចេញ អ្នកអាចចំណាយពេលវេលាពី ១០ ទៅ ២០នាទីដើរលំហាត់ប្រាណដើម្បីបំបាត់ភាពស្មុកស្មាញបានខ្លះ។ ពេលអ្នកធ្វើលំហាត់ប្រាណ វាអាចបង្កើតគំនិតច្នៃប្រតិដ្ឋល្អៗសម្រាប់អ្នករកស៊ីកើនចំណូលផងដែរ៕ អត្ថបទដោយ៖ ទ្រ សុភា