១. រស់ក្នុងធាតុពិតរបស់ខ្លួន៖ មនុស្សភាគច្រើនរស់នៅចំណាយពេលមើលជីវិតរឿងអ្នកដទៃ រហូតភ្លេចរស់នៅក្នុងធាតុពិតរបស់ខ្លួន។ តាមព្រះអង្គ Pothera Mahindasiri Thero បានបញ្ជាក់ថា “អ្វីដែលអ្នកដទៃគិតឬវិនិច្ឆ័យមកលើជីវិតរបស់អ្នកនោះ វាមិនមែនជាការកំណត់ពីធាតុពិតរបស់អ្នកនោះទេ”។ ចូរអ្នករស់នៅជាមួយខ្លួនឯង និងក្តីស្រមៃរបស់ខ្លួន ទើបអ្នកមានក្តីសុខ។ ហើយព្រះអង្គបានបន្តថា  Pothera M. Thero បានបញ្ជាក់ថា ដំណើរជីវិតរបស់មនុស្សយើងម្នាក់ៗ តែងតែមានការរស់នៅខុសគ្នា។ ចូរអ្នកធ្វើជាខ្លួនឯង កុំចំណាយពេលទៅខ្ជះខ្ជាយពេលធ្វើខ្លួនឱ្យដូចជាអ្នកដទៃឱ្យសោះណា។

២. សម្រាប់តម្រុយទី២ ខំរៀនសូត្រ ទើបមានអនាគតល្អមានផ្លូវចិត្តរីករាយ។ អ្នកត្រូវយល់ថា ការរៀនធ្វើឱ្យខ្លួនអ្នក សមត្ថភាពរបស់អ្នករីកធំ ហើយអនាគតរបស់អ្នករីកលូយលាស់ដែរ។ ដូចនេះហើយតាមសម្តេច ឡាម៉ា មានសង្ឃដីកាថា បើយុវជនមិនខំរៀនសូត្រទាន់ខ្លួននៅក្មេងទេ ហើយចាំធំទើបខំប្រឹង ចាំស្វែងរកចំណេះនោះ វាមិនល្អដល់អនាគតទេហើយនាំទុក្ខលំបាកដល់ខ្លួនដែរ។ ខ្ញុំបានឆ្លងកាត់រឿងនេះរួចមកហើយ មានពេលខ្លះ ខ្ញុំមិនយកចិត្តទុកដាក់នូវអ្វីដែលកំពុងរៀន និងមិនខំប្រឹងប្រែងរៀនថែមទៀត វាធ្វើឱ្យមានអារម្មណ៍សែនស្តាយខ្លួនណាស់កាលណោះ។ ព្រោះតែខ្ញុំមានហាក់ដូចជាបាត់បង់អ្វីមួយក្នុងពេលនោះដោយបទពិសោធន៍អាក្រក់ទាំងនោះ ទើបខ្ញុំសូមណែនាំដល់យុវជន យុវនារីទាំងឡាយឲ្យខំរៀនសូត្រ កុំឱ្យចាស់ទៅលំនាកមុខលំបាកក្រោយ។ ពេលវេលារបស់អ្នកនៅក្មេងមានតម្លៃណាស់”៕ អត្ថបទដោយ៖ ទ្រ សុភាព