លោក Hal Elrod ជាអ្នកនិពន្ធ និងវាគ្មិនដ៏ល្បីអន្តជាតិ តែលោកមានបញ្ហាធំៗ ពីរលើកមានដូចជាគ្រោះថ្នាក់ចរាចរជិតបាត់បង់ជីវិត និងជំងឺបាក់ទឹក មកពីសេដ្ខកិច្ចនៅឆ្នាំ ២០០៨ ដួលរលំ ហើយគាត់ជំពាក់លុយគេរាប់សែនដុល្លារ។ គាត់បាក់ទឹកចិត្ត រហូតចង់សម្លាប់ខ្លួន តែគាត់បានជួបមិត្តភក្ត័ ហើយមិត្តភក្ត័គាត់និយាយថា តើឯង(Hal) ធ្លាប់ធ្វើលំហាត់ប្រាណទេ? Hal ឆ្លើយថា ខ្ញុំមិនដែលហាត់ប្រាណទេ។ មិត្តគាត់បាននិយាយថា ឯង(Hal) គួរធ្វើលំហាត់ប្រាណពេលព្រឹក វាអាចជួយឯងបាន...? 

គាត់ខ្ជិលហាត់ប្រាណ និងមានជំងឺបាក់ទឹលចិត្តថែមទៀត គ្មានកម្លាំងមកធ្វើលំហាត់នោះទេ តែគាត់់(Hal) បានសាកល្បងធ្វើវា ​រត់បណ្តើរ និងស្តាប់លោក Jim Rohm និយាយពីការលើទឹកចិត្តពីការអភិវឌ្ឍខ្លួនបណ្តើរផង ពេលនោះ​ ធ្វើឱ្យខួរក្បាលរបស់គាត់គ្មានស្រ្តេស និងចាប់ផ្តើមមានអារម្មណ៍អស្ចារ្យពីការធ្វើលំហាត់ប្រាណនេះ...។ ៣ទម្លាប់ពេលព្រឹកនេះ ជួយលោកឱ្យមានថាមពលក្នុងជីវិតឡើង៖

 ១. មានភាពស្ងប់ស្ងាត់៖ ពេលអ្នកភ្ញាក់ពីគេង អ្នកត្រូវរក្សាភាពស្ងប់ស្ងាត់តែឯង រយៈពេល ៥ ទៅ ១០នាទី គឺការអង្គុយផ្តោតសមាធិ ពីព្រោះវាជួយដល់អត្ថប្រយោជន៍សុខភាព និងផ្លូវចិត្តឱ្យមានលំនឹង។ កុំឱ្យអារម្មណ៍អ្នកមានភាពតានតឹង និងធ្វើឱ្យការគិតរបស់អ្នកបានល្អ។

២. ចាប់ផ្តើមធ្វើលំហាត់ប្រាណ៖ ការធ្វើលំហាត់ពេលព្រឹកនេះ ជួយលោក Hal ឱ្យមានការផ្លាស់ប្តូរជីវិត និងសុខភាពល្អ។ ការហាត់ប្រាណនេះមានដូចជា រត់ ​ហែងទឹក​ ហាត់យូហ្គា និងទៅកន្លែងហាត់ប្រាណ ដើម្បី​ជួយដល់សុខភាព និងធ្វើឱ្យអារម្មណ៍របស់អ្នកស្រស់ថ្លា​ ពីព្រោះការធ្វើចលនានេះ ធ្វើឱ្យឈាម និងអុកស៊ីសែន ចូលទៅបំពេញថាមពលខួរក្បាល។ ពេលអ្នកអារម្មណ៍មិនល្អ អ្នកអាចរត់ចំនួន ២ ទៅ ៣ ​នាទីសិន​ រួចចាំបន្តរយៈពេល ១៥ ទៅ ៣០ នាទី អ្នកនឹងបានផលពីរយ៉ាងដូចជា ជួយដល់អារម្មណ៍ និងសុខភាពល្អ។

 ៣. ការអានសៀវភៅ៖  ការអានសៀវភៅនៅពេលព្រឹកនេះជួយអ្នកមានវិធីគិតល្អ ដើម្បីជួយអ្នកឱ្យមានថាមពលក្នុងការធ្វើកិច្ចការជាប្រចាំថ្ងៃផងដែរ។ ការអាននេះ ជួយអ្នកលើកទឹកចិត្ត ហើយវិធីលឿនបំផុតដើម្បីសម្រេចបាននូវអ្វីដែលអ្នកចង់បាន គឺយកគំរូតាមមនុស្សជោគជ័យ ដែលបានសម្រេចវារួចហើយ។ ការអាននេះ អ្នកគ្រាន់តែចំណាយពេលមួយថ្ងៃ ៣០​នាទី ទៅ ១ម៉ោងបានហើយ។

បើអ្នកព្យាយាមអភិវឌ្ឍខ្លួនតាមគោលការទាំងបីនេះ អ្នកនឹងឃើញខ្លួនអ្នកមានប្រសិទ្ធផលក្នុងការរស់នៅ។ ទាំងបី ចំណុចនេះ ជាគោលការសាមញ្ញ តែមានវាឥទ្ធិពលក្នុងការរស់នៅរបស់អ្នកខ្លាំងណាស់។ ភាពស្ងប់ស្ងាត់ ការហាត់ប្រាណ និងអានសៀវភៅ សុទ្ធតែជួយដល់ជីវិតរបស់អ្នកឱ្យបានល្អប្រសើរឡើងជានិច្ច៕ អត្ថបទដោយ៖ ទ្រ សុភាព