យោងតាមប្រភពព័ត៌មាន beinsports បានឱ្យដឹងថា ប្រភពចំណូលធំៗដែលធ្វើឱ្យ Ronaldo អាចរកប្រាក់ចំណូលបានខ្ពស់ រួមមាន៖

១. កិច្ចសន្យាជាមួយក្លឹប៖ Ronaldo បានចុះកិច្ចសន្យាជាមួយក្លឹប Al Nassr ដែលទទួលបានតម្លៃខ្លួនប្រហែល២០០លានដុល្លារអាមេរិកក្នុងមួយឆ្នាំ។

២. ឯកអគ្គរដ្ឋទូតម៉ាកល្បី៖ Ronaldo មានកិច្ចព្រមព្រៀងរយៈពេលវែងជាមួយក្រុមហ៊ុនធំៗដូចជា Nike និងបានចាប់ដៃគូជាមួយម៉ាកដូចជា Tag Heuer, Armani, Herbalife និងមានច្រើនទៀត។

៣. ការបណ្ដាក់ទុនអាជីវកម្ម៖ Ronaldo មានម៉ាកយីហោ CR7 ផ្ទាល់ខ្លួនរបស់គាត់ ដែលមានខោក្នុងបុរស ទឹកអប់ និងស្បែកជើងជាដើម។

៤. ប្រព័ន្ធផ្សព្វផ្សាយសង្គម៖ Ronaldo មានអ្នកតាមដានយ៉ាងច្រើននៅលើគណនីបណ្ដាញសង្គមរបស់គាត់។ គាត់បានប្រើឥទ្ធិពលនេះ ដើម្បីផ្សព្វផ្សាយម៉ាក ដែលធ្វើឱ្យគាត់ទទួលបានប្រាក់ចំណូលតាមរយៈការជួលពីម្ចាស់ម៉ាក ក្នុងការបង់ប្រាក់ឱ្យគាត់ជួយថតបង្ហោះផ្សព្វផ្សាយ។

គួរបញ្ជាក់ផងដែរថា បើយោងតាម CNN បានឱ្យដឹងថា Ronaldo រកបានប្រាក់ខ្ពស់បំផុតក្នុងចំណោមកីឡាករដទៃទៀតប្រចាំឆ្នាំ២០២៤ ដែលគាត់រកបានចំនួនសរុប ២៦០ លានដុល្លារ។ ក្នុងនោះ ចំនួន ២១៥ លានដុល្លារ គាត់បានមកពី Al Nassr។ ចំណែក ៤៥ លានដុល្លារទៀត គាត់រកបានក្រៅទីលានបាល់ទាត់៕

អត្ថបទដោយ៖ មាស ចាន់ដារ៉ា