តាមលោកវេជ្ជបណ្ឌិត ដាំង ទួន អាញ មកពីមជ្ឈមណ្ឌលគាំទ្រការបន្តពូជនៅមន្ទីរពេទ្យទូទៅនៅទីក្រុងហាណូយបញ្ជាក់ថា មេជីវិតឈ្មោលជាកោសិកាបន្តពូជបុរស ជាកត្តាសំខាន់មួយក្នុងចំណោមកត្តាដែលកំណត់ភាពជោគជ័យនៃការមានកូនដោយធម្មជាតិ។ កង្វះសារធាតុចិញ្ចឹមធ្វើឱ្យប៉ះពាល់យ៉ាងធ្ងន់ធ្ងរគុណភាពមេជីវិតឈ្មោល មានការកាត់បន្ថយចំនួនមេជីវិតឈ្មោល និងបង្កើនអត្រាមេជីវិតឈ្មោលមិនប្រក្រតីថែមទៀត។ របបអាហារមានតុល្យភាពជួយរក្សាមេជីវិតឈ្មោលឱ្យមានសុខភាពល្អ ឆាប់មានកូនលឿន។ ខាងក្រោមនេះជាអាហារ ៣នេះជួយបង្កើនគុណភាពមេជីវិតឈ្មោល៖
១. អាហារសម្បូរទៅដោយស័ង្កសី៖ សារធាតុស័ង្កសីគ្រប់គ្រាន់ជាមូលដ្ឋានគ្រឹះដ៏សំខាន់មួយក្នុងការបង្កើតមេជីវិតឈ្មោល និងការមានកូនរបស់បុរសឡើងវិញ។ ការសិក្សាបង្ហាញថា កង្វះស័ង្កសី ឬកម្រិតស័ង្កសីទាប ត្រូវបានផ្សារភ្ជាប់ជាមួយនឹងការថយចុះអ័រម៉ូនតេស្តូស្តេរ៉ូន គុណភាពមេជីវិតឈ្មោលមិនល្អ ហើយមានហានិភ័យភាពគ្មានកូនរបស់បុរសដែរ។ អាហារសម្បូរទៅដោយស័ង្កសីរួមមាន៖ អយស្ទ័រ សាច់ក្រហម សាច់បក្សី មានខ្យង មានក្តាម មានបង្កង គ្រាប់ធញ្ញជាតិពីសណ្តែក និងទឹកដោះគោ… អាហារទាំងនេះមានប្រសិទ្ធភាពខ្លាំងក្នុងការបង្កើនគុណភាពមេជីវិតឈ្មោលបុរសឡើងវិញ។
២. អាហារសម្បូរទៅដោយសារធាតុជាតិហ្វូឡាត៖ ហ្វូឡាតមានទំនាក់ទំនងយ៉ាងជិតស្និទ្ធទៅនឹងចំនួនមេជីវិតឈ្មោល ដង់ស៊ីតេ និងការបំបែក DNA។ យោងតាមរបាយការណ៍មួយពីសមាគមវេជ្ជសាស្ត្រការបន្តពូជអាមេរិក (ASRM) បុរសដែលមានកម្រិតហ្វូឡាតទាបអាចមានអត្រាកើនឡើងនៃការបំបែក DNA មេជីវិតឈ្មោល និងដង់ស៊ីតេ និងចំនួនមេជីវិតឈ្មោលក្នុងទឹកកាមថយចុះលឿន។ បុរសៗ គួរហូបអាហារសម្បូរទៅដោយសាធាតុជាតិ ហ្វូឡាត រួមមានបន្លែស្លឹកបៃតងដូចជា ស្ពៃខ្មៅ សាឡាត់ ស្ពៃក្តោប ផ្លែប៉ោម ទឹកផ្លែឈើស្រស់ និងគ្រាប់ធញ្ញជាតិទាំងមូលជាដើម។
៣. វីតាមីន B12៖ សម្រាប់វីតាមីនB12 ជាសារធាតុចិញ្ចឹមដ៏សំខាន់សម្រាប់សុខភាពមេជីវិតឈ្មោលរបស់បុរស។ ការសិក្សាបានបង្ហាញថា វីតាមីនB12 ធ្វើឱ្យប្រសើរឡើងនូវចលនាមេជីវិតឈ្មោលរស់ឡើងវិញ ហើយបង្កើនចំនួនមេជីវិតឈ្មោល និងកាត់បន្ថយការខូចខាត DNA របស់មេជីវិតឈ្មោលបានយ៉ាងល្អ។ ដើម្បីទទួលបានវីតាមីន B12 គ្រប់គ្រាន់ បុរសៗ គួរហូបអាហារដូចជាត្រី សាច់គោ សាច់ចៀម សាច់មាន់ អាហារសមុទ្រដូចជាត្រីសាម៉ុង ត្រីធូណា ជាពិសេសថ្លើម; ផលិតផលទឹកដោះគោ និងស៊ុត; ធញ្ញជាតិ...៕ អត្ថបទដោយ៖ ទ្រ សុភាព