យោងតាមការសិក្សាមួយនៅក្នុងឆ្នាំ២០០៤ បានចុះផ្សាយពី Journal of the American Society of Nephrology ថា អាហារដែលអ្នកឧស្សាហ៍ហូបច្រើនបំផុតដូចជា នំប្រៃផ្អែមលើសកម្រិត មានសាច់ប្រហិត អាហារចៀនបំពង មានមី និងស្រា វាអាចបង្កគ្រោះថ្នាក់ដល់តម្រងនោមធ្ងន់។ ព្រោះវាជំរុញកោសិកាសាច់ដុំធ្វើឱ្យសរសៃឈាមឱ្យឆ្លងកាត់ការផ្លាស់ប្តូររចនាសម្ព័ន្ធ។ ព្រោះអាហារវេចខ្ចប់ និងកែច្នៃជាងពាក់កណ្តាលមានផ្ទុកសារធាតុបន្ថែមផូស្វាតនាំឱ្យមានការឡើងជាតិកាល់ស្យូមសរសៃឈាមជាការដាក់បន្ទុកយ៉ាងធ្ងន់ធ្ងរលើតម្រងនោមឱ្យប្រឹងធ្វើការលើសដើម។ ដូចជាករណីផឹកស្រាជាដើម។ ការផឹកស្រាច្រើនអាចបណ្តាលឱ្យមានរបួសតម្រងនោមស្រួចស្រាវដោយសារតែខ្វះជាតិទឹកធ្ងន់ធ្ងរ។
យោងតាមគេហទំព័រ vnexpress បានចុះផ្សាយថា ដើម្បីការពារតម្រងនោម គ្រូពេទ្យឯកទេសតម្រងនោមផ្តល់ជូននូវដំណោះស្រាយមួយចំនួនដូចជា៖
១. ការស្ងោរបន្លែ និងបន្លែស្រស់៖ ពេលអ្នកហូបបន្លែដូចជាស្ពៃក្តោប ម្ទេសប្លោកក្រហម ខ្ទឹមបារាំង និងខ្ញី…ការហូបអាហារបែបនេះ ជួយតម្រងនោមរបស់អ្នកគ្មានសម្ពាធធ្ងន់ផងដែរ។
២. ជ្រើសរើសសាច់៖ ការជ្រើសរើសសាច់ជ្រូក និងសាច់មាន់ស្រស់ៗ ហាន់ជាចំណិតៗ ជំនួសឱ្យសាច់កែច្នៃ និងប្រហិតសាច់ ធ្វើឱ្យសុខភាពអ្នកកាត់បន្ថែមជាតិខ្លាញ់ ហើយតម្រងនោមដំណើរការល្អដែរ។
៣. ផឹកទឹកឱ្យបានគ្រប់គ្រាន់៖ ត្រូវប្រាកដថាអ្នកផឹកទឹកឱ្យបានគ្រប់គ្រាន់ជារៀងរាល់ថ្ងៃ ដើម្បីឱ្យតម្រងនោមរបស់អ្នកមានជាតិទឹកគ្រប់គ្រាន់ដើម្បីច្រោះសារធាតុគីមីឬជាតិពុលចេញពីរាងកាយបានល្អបំផុត។ យោងតាមវេជ្ជបណ្ឌិត Tra Anh Duy ជាអ្នកជំនាញសុខភាពតម្រងនោមបានលើកឡើងថា ការទទួលទានទឹកគ្រប់គ្រាន់ជួយឱ្យតម្រងនោមមានដំណើរការយ៉ាងល្អដើម្បីការពារជំងឺដូចជាគ្រួសក្នុងតម្រងនោម រលាកផ្លូវបង្ហូរទឹកនោម និងខ្សោយតម្រងនោមជាដើម៕ អត្ថបទដោយ៖ ទ្រ សុភាព